Amelia Hong Kong

營業中

休息中

一間所謂嘅米芝蓮一星級餐廳, 竟然煮得難食過屋企自己煮 ,果然係奇蹟 。食材差 、調味曳、分量細,三個失敗嘅成份, 竟然一次過齊集, 再加上米芝蓮星級價錢, 呢間餐廳絕對係經典中嘅經典。前菜烤蘑菇 ,上枱嘅時候變咗烤金菇 。如果唔係有辣醬呢碟烤金菇應該有我中學時候 BBQ 整出嚟嘅質素。西班牙紅蝦燉只食到蝦嘅腥味, 而唔係應有嘅鮮味, 老實講我只係食到一啖就放棄咗。 自家製意粉配黑松露, 無論係意粉、醬汁定係黑松露,竟然一齊冇味,如此質素食材 ,真係喺邊度搵呀 。如果閣下想貼錢買難受, 呢間餐廳絕對適合你。