影片
更多
2022-09-29
1002 瀏覽
以前每次係日本經過Sukiya都覺得係普通大家樂大快活之類既快餐店，去旅行無謂虧待自己食快餐，所以無食過，直至同朋友去東京，落機好夜附近又無乜選擇，所以抱住填飽個肚無期望咁試左人生第一次。😍嘩！真係好好食，食材勁新鮮，餐入面既每款食物都整得好有水準，充份感受到日本人一絲不苟既精神，自此，呢間餐廳都成為遊日check points既其中一個option👍🏻琴晚食左旺角呢間Sukiya，一路食心入面只有3個字「無下次」，自問本身對食真係唔算好高要求，賣單$100有找都唔會有d咩期望，亦無諗過要同日本Sukiya比較，但都真係立即後悔浪費左人生排隊幫襯😤首先，我係蔥怪，見到張相d蔥多到肉都見唔到，毫不猶豫就叫左碗香蔥溫泉蛋牛丼，實物只可以講佢地完美演繹左圖片只供參考既偽術，d蔥仲少過食牛腩麵係咁耳加係面個d，我問店員，佢話加蔥要加錢，我放棄🫠牛肉方面，我已經叫最大既LL size，聲稱係double肉量，但都真係唔多，碗飯就好大，但d牛少到送唔哂成碗飯，肉汁又俾得少，成個飯無乜咪，同印象中既牛肉飯好唔同🤔飯粒係用珍珠米，但落得太多水，爛飯伴牛肉，浪費哂d珍珠米🤦🏻♂️加左$25五件炸雞，外皮
琴晚食左旺角呢間Sukiya，一路食心入面只有3個字「無下次」，自問本身對食真係唔算好高要求，賣單$100有找都唔會有d咩期望，亦無諗過要同日本Sukiya比較，但都真係立即後悔浪費左人生排隊幫襯😤
首先，我係蔥怪，見到張相d蔥多到肉都見唔到，毫不猶豫就叫左碗香蔥溫泉蛋牛丼，實物只可以講佢地完美演繹左圖片只供參考既偽術，d蔥仲少過食牛腩麵係咁耳加係面個d，我問店員，佢話加蔥要加錢，我放棄🫠
牛肉方面，我已經叫最大既LL size，聲稱係double肉量，但都真係唔多，碗飯就好大，但d牛少到送唔哂成碗飯，肉汁又俾得少，成個飯無乜咪，同印象中既牛肉飯好唔同🤔
飯粒係用珍珠米，但落得太多水，爛飯伴牛肉，浪費哂d珍珠米🤦🏻♂️
加左$25五件炸雞，外皮淋淋地一d都唔脆，肉質唔嫩滑，咬落去無油無汁勁乾，仲要沙律醬都唔俾，我最近自己加d食沙律既麻醬就算🫣
最後其實都有野抵讚既，店員安排座位迅速，有問必答，回應客人亦清晰有禮，食物上菜快得驚人，環境亦算舒適乾淨，堂食亦全部用外賣餐具幾衛生。
不過真係唔會再係香港食Sukiya…bye 👋🏻
29 瀏覽
0 讚好
0 留言
張貼
