添好運點心專門店

營業中

休息中

之前因廣華太多人始終冇試過，後來去過深水埗那間，覺得味道不錯，價錢便宜，就試下呢間，今次帶了個加拿大回來渡假的朋友品嚐，點心種類不多，很快便點了，先來個酥皮叉燒飽，我特意介紹朋友定要馬上食，皮依然薄，但越食越甜，比起之前食的簡直超失望，吃了一半已經放棄了，再來蝦腸同豬潤腸，粉皮不夠滑，甜豉油不甜，好似超級市場買的貨色，豬潤好鞋同有根，蝦餃皮厚，最差係個鳳爪，唔知落左咩調味，好難入口，汁又很杰，馬拉糕亦係之前我嘅至愛(因之前食過做得很出色)，但今次好濕，唔鬆，好甜，總之唔好味，基本上今次沒有點心令我再留戀，未出點心時我已叫了很多點心外賣給家人，食嘅時候已經後悔，唉…家人還問我是那一家的出品這麽差，我說是添好運家人們也呆了，竟然現在的出品這麽差，相信沒有機會再幫襯了