影片
更多
2018-10-04
154 瀏覽
前幾日接過傳單先知原來呢度開咗間甜品店，老實講其實見到單張上面嘅圖無乜特別所以都無話有衝動要入去試，不過噚晚食完晚飯都唔飽嘅機緣巧合下😂 就行咗入去食甜品喇😆坐低之後就嗌咗兩款甜品，分別係燶燶地雪糕棉花糖，因為見佢係用棉花糖包住雪糕幾得意，而雪糕有幾隻味揀，有朱古力，雲尼拿，綠茶，香芋同埋士多啤梨。我就揀咗香芋🤔 嘩！原來粒棉花糖都幾大粒㗎，食落完全唔似bbq燒棉花糖嘅口感，呢度食落嘅係幾彈滑，又唔會覺得好甜，非常有驚喜另外一款就係串燒pancake系列，佢係配搭時令水果嘅，當晚就係金奇異果同埋蜜桃，我就揀咗金奇異果，雖然奇異果得幾片，但食得出真係新鮮嘅，至於個pancake好香蛋味，而且夠濕潤一啲都唔乾口，幾軟綿，不知不覺好快又食埋喇勁想一提嘅係呢度嘅甜品係即叫即整，因為係睇住佢即時燒棉花糖同打蛋整呢個pancake，效率都幾高，因為唔使等好耐就有得食嚕原來唔起眼嘅一間店舖仔藏住咁大嘅驚喜，食埋甜品當堂滿足晒
坐低之後就嗌咗兩款甜品，分別係燶燶地雪糕棉花糖，因為見佢係用棉花糖包住雪糕幾得意，而雪糕有幾隻味揀，有朱古力，雲尼拿，綠茶，香芋同埋士多啤梨。我就揀咗香芋🤔 嘩！原來粒棉花糖都幾大粒㗎，食落完全唔似bbq燒棉花糖嘅口感，呢度食落嘅係幾彈滑，又唔會覺得好甜，非常有驚喜
另外一款就係串燒pancake系列，佢係配搭時令水果嘅，當晚就係金奇異果同埋蜜桃，我就揀咗金奇異果，雖然奇異果得幾片，但食得出真係新鮮嘅，至於個pancake好香蛋味，而且夠濕潤一啲都唔乾口，幾軟綿，不知不覺好快又食埋喇
勁想一提嘅係呢度嘅甜品係即叫即整，因為係睇住佢即時燒棉花糖同打蛋整呢個pancake，效率都幾高，因為唔使等好耐就有得食嚕
原來唔起眼嘅一間店舖仔藏住咁大嘅驚喜，食埋甜品當堂滿足晒
張貼
