金翠餐廳 (已搬遷) 新店位置

爸爸最鍾意食羊鞍/羊扒,所以我陪爸爸行花墟後,順道搵價錢唔貴但好食嘅餐廳肚,路過見到扒餐價錢合理,決定一試。我同爸爸一人一份香草煎羊鞍餐,包飲品餐湯。紅湯/羅宋湯裏有大量蔬菜,好味,交足貨唔會水汪汪。輪到主菜出菜,我同爸爸急不及待大啖食,羊肉軟熟多汁充滿香草芳香,連牙力唔夠嘅爸爸都讚羊肉鬆軟,味道唔比酒店自助餐遜色,十分鐘內我哋已經將羊鞍KO!至於餐茶熱奶茶夠香濃。埋單$78×2免加一,超扺食,下次一定會再幫襯！