好運粥麵家

營業中

休息中

自從上次魚蛋舖不能食雲吞麵後，今次去到雲吞麵舖，自自然然要叫返做鎮店之寶，雲吞撈粗麵。其實本身附近粥舖不多，間唔中會到這裏食生滾粥，這裏的粥底亦不錯，煲得很綿。雲吞跟大地魚湯另上，有五粒雲吞，大小比乒乓波小，裏面的蝦肉十足，非常爽口，蝦肉雖然不是新鮮，但絕不會有霉味，加上大地魚熬製的湯底，魚味香濃，湯底清甜。粗麵不會有鹼水味，麵質彈牙爽口，份量頗多，撈上蠔油後咸味十足，要用些大地魚湯撈一撈，溝淡返少少。基本上$34食個雲吞撈仲要係好食已經買少見少。