Lost in Thai (已結業)

餐廳堅持冇添加味精，食物選擇多，有串燒🍢、炸物🍤、沙律🥗、泰式咖喱🍛等等。門面用咗湖水綠色，室內水泥牆身配搭綠色植物，營造去泰國嘅效果🇹🇭慢燒羊架 $118肉質鬆軟🐑，外皮燒到微脆，配上自家製泰式醬汁，辣辣地帶魚露同香草味，超惹味😋！特式咖喱燴海鮮農夫包 $198有三款辣度選擇🌶️，我地嗌咗少辣。咖喱汁惹味香甜帶微辣🥘，入面海鮮有蝦🦐、青口同魷魚🦑。蝦有煎香過，蝦殼脆卜卜，肉質爽彈。農夫包質地軟熟沾咖喱汁食好好味👍🏻！炸芝士蝦餅 $88有3大個炸蝦球，炸粉薄身香脆，入面厚身爽口蝦餅，咬落去有拉絲🧀！芝士份量豐富，鐘意佢地用嘅芝士係淺色個種，食落輕盈不膩💛。凍泰式奶茶加熊啤啤冰 $35+$3推介大家一定要加用泰式奶茶整嘅熊啤啤冰🧸，可愛得嚟又可以令奶茶保持濃郁，唔會被溶化嘅冰而令奶茶變淡。奶茶入口滑溜，甜度恰到好處，唔會太甜膩，好好飲💯～泰式龍眼冰 $32味道清甜，入面有好多龍眼肉，爽飲完透心涼❄️～📍 Lost in Thai太子太子道西96-100號萬年大廈地下B號舖