139
2
2
港鐵太子站 C2 出口, 步行約2分鐘
繼續閱讀
電話號碼
59782832
開飯介紹
由泰國主廚主理一系列無添加味精的泰國菜,款款香口惹味;店面以薄荷綠色為主調,室內則採用園林風格,予人清新的感覺。
繼續閱讀
營業時間
今日營業
11:30 - 17:00
18:00 - 22:30
星期一至日
11:30 - 17:00
18:00 - 22:30
*截單時間 22:00
以上資料只供參考, 請與餐廳確認詳情
有關獎賞計劃
食家推介
同朋友嚟花墟買年花,逛完就去附近搵間餐廳食晏。路經太子道西,見到有間「Lost in Thai」,門面以薄荷綠為主調,加上一些綠色植物襯托,環境清新優雅,感覺悠閒舒適,今日就一於喺呢度開餐。餐廳午市有套餐供應,定價由 $62 起,共有 17 款可供選擇,包主食、餐湯及熱飲,另外亦可以額外付費追加小食。點咗👇泰式蝦球炒飯 ($70) 蝦球大大隻,肉質結實爽彈,入口啖啖蝦鮮。米飯炒得好有鑊氣,粒粒分明,乾身又唔油膩,色香味俱佳!泰式濕炒牛河 ($78) 牛肉大大片,分量十足,肉質嫩滑;河粉炒得啱啱好,調味合宜,多汁得嚟又唔會過鹹,配上紅蘿蔔、菇菌和芥蘭,味道相當出色。朋友想食炸物,加咗客泰式拼盤拼盤 ($138),有炸春卷、炸雞卷、炸蝦餅和炸魚餅;春卷炸至金黃鬆脆、蝦餅蝦味濃郁,而魚餅亦彈牙有口感,啱晒開心 share。一場嚟到,食埋甜品先走,點咗芒果糯米飯 ($52) 同 椰青大菜糕 ($28),芒果甜美多汁、糯米飯軟熟煙韌,配上椰汁,香濃味美。大菜糕甜度適中,有椰青清香。飲品揀咗熊啤啤冰泰式奶茶 (+$20),浸浴熊仔,賣相超可愛,入口香濃順滑,打卡一流。另一杯泰式龍眼冰 (+$12),味道亦唔錯,龍眼肉大大粒,香甜潤喉👍🏻
繼續閱讀
Lost in Thai 餐廳裝潢有別其他泰菜館,主色調用上草綠色,小清新refresh feel 極強烈,可以暫時放低工作好好享受美食😎👍🏻餐廳都會一路播住泰文歌,雖然聽唔明但係都幾特別🤭🤭椰汁虎蝦湯食泰菜除咗冬蔭功湯之外,椰汁🥥海鮮湯都係另一特色菜,奶白色嘅椰汁湯奶香撲鼻,加入大虎蝦、蕃茄🍅、菇菌類、香茅、泰式香料等煮成,不嗜辣嘅朋友們大推❤️沙嗲串 (豬、牛、雞)一客有6串,豬、牛、雞串燒各有兩串,最愛雞肉串,肉質嫩滑Juicy,肉邊帶少少焦脆好香口,記得要沾上花生🥜味濃嘅沙嗲醬😋😋泰式菠蘿🍍柚子蝦沙律份量十足,新鮮大蝦球、菠蘿粒、柚子肉、新鮮蔬菜,再加上炸蒜粒,拌上泰式開胃酸辣醬,作為前菜醒胃💯💯泰式酥炸香料鱸魚🐟一開始俾佢份量嚇親,整條鱸魚🐟已拆肉,切成一粒粒魚肉,再經過油炸及拌上泰式甜酸醬😊😋一口一粒食唔停口🤭擺盤係連原條起肉嘅鱸魚一齊上菜,新鮮魚起肉亦無偷工減料👍🏻👍🏻芒果🥭糯米飯即叫即整,椰汁糯米飯仲係熱辣辣㗎,煙煙韌韌軟綿綿咁,另備有椰奶可自行添加,食泰菜必食甜品之一😎泰式奶茶加熊啤啤泰式奶茶一向都係偏甜,但Lost in Thai 嘅奶茶好特別咁加咗紅茶熊熊冰🐻,比例調配剛好唔會太甜,熊啤啤冰睇得又飲得,打卡之選
繼續閱讀
🍴泰式豬龍骨湯豬骨配埋辣椒 洋葱 香草 菇整成 好香豬骨味既湯 唔錯🍴沙嗲串燒。豬牛雞🐷🐥🐮沙嗲汁花生味香濃 豬肉彈牙, 雞肉肥美。牛肉都幾香同有口感🍴泰式鳳爪沙律🐥鳳爪夠香辣彈牙爽口 有 d辣洋葱同生菜 好惹味 🍴特式炒咖喱軟殼蟹 配印度薄餅🍕薄餅好香 帶 d煙 un咖喱好香甜 有洋葱 青豆 紅椒等等 軟殼蟹炸得好香脆。大大隻足料 正🍴芒果糯米飯🥭芒果新鮮 配椰奶同彈牙既糯米飯 正 🍴泰式奶茶配熊啤啤水用紅茶雪到變熊仔既冰 得意得黎越飲越濃 拉茶 茶味香濃 正#芒果 #糯米飯 #泰式奶茶 #咖喱 #薄餅 #軟殼蟹 #鳳爪 #串燒Score 平均分< 7.8/10>Taste 味道:👍🏻👍🏻👍🏻👍🏻Present 外觀:👍🏻👍🏻👍🏻Decor&Hygiene 環境衞生:👍🏻👍🏻👍🏻👍🏻Value for $ 性價比:👍🏻👍🏻👍🏻👍🏻Service 服務:👍🏻👍🏻👍🏻👍🏻~~~~~~~~~~~~~Lost in thai太子太子道西96 至100 號 萬年大廈地下 b鋪~~~~~~~~~~~~
繼續閱讀
今日路過太子的Lost in Thai,被門面薄荷綠色吸引著我,優雅靜謐~餐廳是由泰國主廚主理,味道夠正中,而且沒有添加味精,也是我選擇這家餐廳的原因~午市套餐共有17款,選擇非常多,而且價格相宜~點了泰式蝦球炒飯$70,賣相精緻,連配菜的兩塊青瓜都砌成了心形,從微小的細節裏就看到廚師的用心。蝦球幾大粒,爽口彈牙,飯是粒粒分明的,顏色金黃之中亦有其他紅、橙、黃、綠色的配菜,令賣相更佳,份量適中,味道亦很不錯~朋友點了泰式燒豬頸肉飯$72,豬頸肉燒得好香好惹味,肉質夠滑,看落平平無奇的白飯都好有飯香~跟餐免費配了消暑清熱冬瓜湯,飲品:椰青跟餐+$28,泰式椰汁冰跟餐+$12,味道正常~一向對泰國菜的印象就是多香料,較重口味,今天嘗試過無味精的泰國菜後有點改觀了,再加上餐廳的環境,裝修簡約清新,綠色植物,藤編吊燈,輕快音樂,感覺非常放鬆,值得推薦!門口設有戶外座位,可帶同愛竉一同享受美食。
繼續閱讀
餐廳:Lost in Thai地點:太子太子道西菜式:泰國菜餐牌:午市套餐有17款選擇,價錢由$65到$98不等。包熱飲一杯,可加錢升級凍飲,特飲等等。都可以追加小食。平日午市免加一。泰式炒金邊粉 $78泰式炒金邊粉可自選雞或蝦球,我揀左蝦球。泰式炒金邊粉大大碟,幼身金邊粉加上蔥段,芽菜,豆腐皮條,蛋絲同炒,原來仲有櫻花蝦仔,口感唔錯,腍滑中帶爽脆。面頭3隻去殼蝦,腍腍哋。下底墊有生菜一大片。未食先聞到好香酸甜醬汁味,味道調得好。伴有辣椒粉,花生碎,同青檸,可以自己再調味。跟左碗冬瓜湯,都算清,入面有兩件煲到腍冬瓜。船麵 $62船麵可自選豬/牛/雞其中一款,我揀左牛。牛肉片5片,完全唔肥,不過唔會韌。牛丸兩粒細細粒,好彈牙。伴有通菜,同芽菜,仲有白蘿蔔3件。再灑上幾條脆炸條增添口感。個湯甜甜哋,帶微辣,好飲!麵同金邊粉一樣,又腍又滑。沙嗲串 跟餐加$38沙嗲串一客3串,包括豬牛雞。牛加上黑椒調味,豬較乾,雞已去皮。另上沙嗲醬更加惹味,下底墊有梛菜絲沙律。炸雞翼 跟餐加$22炸雞翼一客2隻,一大一細,面頭灑上炸蒜。炸得唔算太油,炸蒜好香口。下底墊有梛菜絲沙律可解膩。熱柚子蜜 跟餐熱柚子蜜大大杯熱辣辣,下底好多柚子皮,唔會過甜。今餐主食唔錯。入面裝修光猛,用綠色植物配木枱凳,環境唔錯。
繼續閱讀