更多
2021-05-05
654 瀏覽
難得黎到太子 去試吓人人話好食嘅美味餃子店先！晏晝12:30去 已經滿座 自己一個人都要等位 好在都係等五分鐘到入面唔算大 得5張圓枱 要同人一齊坐餐牌易睇 幾款餃子揀 7隻/10隻 湯/煎可以貴啲雙拼 加麵就加$10 款式都係啲好傳統嘅口味要咗個雲耳椰菜拼白菜豬肉水餃 10 隻 ($50)等咗陣就有得食嚕個碗唔算好大 但係啲餃子超級巨型 係暫時食過最巨型嘅餃子 湯底好清淡 應該係佢地嘅野葛菜煲生魚豬骨湯餃子料超多 爆餡咁濟皮比較厚身 但係都可以 因為佢質感唔錯 少煙韌 鍾意食佢條邊🥟雲耳椰菜餃一咬落去已經食到椰菜脆卜卜嘅口感 然後又食到佢好清甜 雲耳令餃子更有質感 不過反而唔太食到豬肉味 可能因為比例上多菜少肉🥟白菜豬肉餃依個味道比雲耳椰菜餃濃啲個豬肉味出啲 因為佢豬肉比例多 真係成舊豬肉起入面 幾好係佢啲豬肉已經整到好散好蓉 完全唔會食到一舊舊 甚至一啲肥膏都食唔到 總之就係好滑👍🏻質感上冇雲耳椰菜餃好 我估最濃味應該會係韮菜餃整體上我覺得餃子特別在真係超大隻 超足料 材料上都靚一路食 一路見住入面啲姨姨起到包餃子😆好新鮮大口咁咬落隻餃子到真係幾滿足只不過係 可能因為佢想健康啲 相
晏晝12:30去 已經滿座 自己一個人都要等位 好在都係等五分鐘到
入面唔算大 得5張圓枱 要同人一齊坐
餐牌易睇 幾款餃子揀 7隻/10隻 湯/煎
可以貴啲雙拼 加麵就加$10
款式都係啲好傳統嘅口味
要咗個雲耳椰菜拼白菜豬肉水餃 10 隻 ($50)
等咗陣就有得食嚕
個碗唔算好大 但係啲餃子超級巨型 係暫時食過最巨型嘅餃子
湯底好清淡 應該係佢地嘅野葛菜煲生魚豬骨湯
餃子料超多 爆餡咁濟
皮比較厚身 但係都可以 因為佢質感唔錯 少煙韌 鍾意食佢條邊
🥟雲耳椰菜餃
一咬落去已經食到椰菜脆卜卜嘅口感 然後又食到佢好清甜 雲耳令餃子更有質感
不過反而唔太食到豬肉味 可能因為比例上多菜少肉
雲耳椰菜餃
50 瀏覽
0 讚好
0 留言
🥟白菜豬肉餃
依個味道比雲耳椰菜餃濃啲
個豬肉味出啲 因為佢豬肉比例多 真係成舊豬肉起入面 幾好係佢啲豬肉已經整到好散好蓉 完全唔會食到一舊舊 甚至一啲肥膏都食唔到 總之就係好滑👍🏻
質感上冇雲耳椰菜餃好
白菜豬肉餃
34 瀏覽
0 讚好
0 留言
整體上我覺得餃子特別在真係超大隻 超足料 材料上都靚
一路食 一路見住入面啲姨姨起到包餃子😆好新鮮
大口咁咬落隻餃子到真係幾滿足
只不過係 可能因為佢想健康啲 相對地少調味 好嘅係可以食到佢原先材料嘅味道 但係同時我又覺得淡味咗少少 所以未去到話覺得好好食咁
最後我落咗好多豉油先夠味 就好食好多
雲耳椰菜拼白菜豬肉餃
$50
53 瀏覽
0 讚好
0 留言
環境ok 雖然舖面望落比較殘舊 入面都可以嘅 同人分枱坐都唔會話逼
不過衛生上有少少評語 就係因為佢碗細 湯多 變咗侍應上菜嗰陣好容易隻手指浸咗落湯到😀除此之外都可以 有即棄木筷子
CP值都高嘅 平均 $5/餃子 咁佢咁足料又新鮮製造
總叫試咗啦 都唔錯既 但係未必會再特登去食
張貼
