之前成日排晒長龍，依家擴張咗唔使等咁耐
Menu勁多款餃子口味，全部都想試🙈
特別在除咗湯餃同煎餃，仲有金沙餃同酸辣湯餃💛
小食比一般餃子店多，大部份滷水小食
兩個人叫咗十隻湯餃、十隻金沙煎餃、兩份小食、兩支飲品
————湯餃————
可以雙拼
湯底用椰子海帶鮮雞豬骨濃湯🥥絕無味精
雖然冇湯渣，但飲得出自家煲湯味道
▶️ 紫菜鮮肉餃
四款餃子口味入邊最出色嗰個😍
紫菜完美融入豬肉餡料，味道勁出帶鹹香
推介配湯餃以品嚐最原始味道
▶️ 紫甘藍粟米鮮肉餃
紫椰菜咬落爽脆，配埋粒粒鮮甜粟米🌽
入口清新甜甜地👅
————金沙煎餃————
加$17轉邪惡金沙餃，可以雙拼
賣相勁吸引，鋪滿鹹蛋黃碎，形成金黃色💛
煎至底面脆卜卜，香口而不油膩
鹹蛋黃沙沙口感，唔會過鹹但夠惹味
話晒招牌，值得一試！
▶️ 芝士粟米鮮肉餃
同樣有粒粒鮮甜粟米
不過好似唔太食到芝士味🧀
冇人哋講到咁有驚喜，正常發揮
▶️ 椰菜鮮肉餃
比較普通同清淡，可能被鹹蛋黃蓋過本身味道
————小食————
▶️ 秘汁金錢展 ($40)
一份都唔少，面頭落滿香蔥
滷水秘製汁幾入味🐂略嫌牛肉偏韌難咬
可能其他滷水小食好味啲
▶️ 上湯時菜 ($16)
湯底奶白色，菜心清脆
健康嘅選擇🥬
————飲品————
▶️ 清熱潤喉羅漢果甘草茶 ($12)
飲落超清爽甘甜！
自己幾鍾意🥰尤其一面食熱嘢一邊飲好正
▶️ 豆漿($12)
係支裝飲品，有加糖
正常豆漿味道
-
餃子size比一般大粒少少但未至於巨型
餡料比例多，餃子皮厚薄適中🥟
鍾意佢多口味選擇，同埋冇話用好多醬油醃豬肉，真正品嚐到本身餡料鮮甜味
自己最鍾意「紫菜鮮肉餃」❤️🔥金沙餃都可以一試
大家仲可以落旁邊辣菜脯👍🏻
店舖環境坐得舒服啲，裝修都新穎啲
服務還可以，睇得出佢哋好忙碌好多單
所以要體諒吓
價錢非常實惠，叫咗咁多嘢都只係$100/ 人！
