阿詩瑪壹菌 (已結業)

放假遲起身好多時都早餐連午餐一齊食，嚟到太古城都差不多兩點了，見附近中式餐廳有米線下午茶餐我地就去試一試先。🔻豆花撈米線🔻賣相望落雖然有啲頹，但估唔到食落味道唔錯，豆腐花口感嫩滑帶甜味，撈埋咸香嘅肉碎一齊食好夾。米線有咬口，唔會話煮得太腍太軟，幾岩我口味。🔻小鍋米線🔻湯底酸酸辣辣好開胃而且米線嘅份都幾多，就算唔加餸食都夠飽啊！🔻牛肝菌小籠包🔻小籠包味道一般，咬開有湯汁不過野菌味唔算話特別香，同普通小籠包差不多。不過餐廳嘅飲品就比較失色，百香果綠茶味道偏淡，而凍檸茶嘅檸檬片則切得好薄，飲落唔夠檸味。