Sky726

位處旺角鬧市嘅上空，呢間餐廳坐擁廣闊嘅景色，同時食物質素亦極有水準。先有煙三文魚沙律以及炸蟹餅作前菜，煙三文魚帶有適量鹹香的味道，跟沙律非常匹配；而炸蟹餅亦有著豐富的餡料，滿滿的蟹肉，加上少量青椒，令味道更有層次。而忌廉南瓜湯，用上豐富南瓜打磨而成，加上忌廉加添味道，入口更有豐厚嘅感覺，係道出色之作！主菜方面有香煎帶子闊條麵，帶子首先煎香，表層有香烤感覺，入口盡顯鮮味突出之處，而闊條麵用上秘制醬汁，加上香菇等配料，令闊條麵吸收醬汁更入味，值得推介！最後有流心芝士撻配紅莓雪葩作甜品，雪葩味道非常清新，最適合夏天時候食，而芝士撻入口軟滑無比，芝士味道亦好香，人人都會中意食！