除咗西環/筲箕灣之外 有網友介紹天后呢間小店
食物種類幾多元 有煲仔飯/丼飯/滷肉飯/野菜鍋😱😱😱
另外仲有佢地嘅招牌燉湯都好似唔錯
餐廳裝修得幾有日/台式風味 以木系裝潢為主
簡約溫馨 幾有家嘅味道 😉
用QR Code 形式自助落單方便
冇加一服務費 但有最低消費🤪🤪
🐷蒜香鼓汁鮮腩排煲仔飯 $88
天氣開始涷 食返個暖笠笠煲仔飯最正啦
熱辣辣又有飯香令人食慾大增😎😎
腩排肉質彈牙 啖啖都有豉汁+蒜香味道
唔洗另外落豉油都好夠味 仲加埋白蘿蔔
而飯粒吸收晒蒜香鼓汁+腩排滋味😋
✨+$68 跟餐 椰皇燉豬展燉湯
份量都幾大一盅夠足料 打開蓋熱氣騰騰
滿滿椰皇完全可以當一餐食😂
豬展肉質腍滑唔會係鞋肉 都有7-8嚿
加埋南北杏/果皮等配料一齊煲
每啖都飲到椰皇香 鮮甜又美味😝😝
🐷帶子蝦醬豬頸肉煲仔飯 $90
呢個真係有驚喜 係意想不到嘅配搭🤩🤩
蝦醬香味濃烈 食起上嚟好惹味 但不會過咸
加上啖啖爽嫩豬頸肉 每口都有鹹鮮味😏
帶子都幾大粒夠鮮味 口感彈牙
上枱等佢個飯底再形成一層飯焦仲正‼️👍🏻
