麗都讌客 (已結業)

我地作為典形無飯夫妻，新屋入伙半年都煮唔夠五餐飯，荃灣附近嘅餐廳都留低唔少腳毛。天寒地凍，兩公婆開餐，兩個又無嘜頭緒，就打返個邊爐啦。有得揀雞煲或者普通湯底，肥婆話唔食鷄煲，就揀個普通囉。養生鷄湯底，講明養生，當然有小小藥膳，而且有雞塊比你再碌，藥味唔重，易接受，。配料都好多，新鮮魚頭，蝦，呢啲都有。當然肥牛， 黑豚肉，牛肚，丸類，腸類，菜類通通有齊，而且新鮮，打邊爐最緊要係咩？咪新鮮囉！餐廳都好識做生意，滿足一啲高要求客戶，有高級牛肉供你再比錢落order.飲品都唔差，啤酒汽水任飲。侍應出菜又快， 態度又幾好，價錢又合理，兩個人先三百。👍