御名軒

營業中

休息中

朋友新居係正天后地鐵上蓋 坐擁成個維園景觀 一句話 有米真好 講到米又係時候要有米落肚 落咗樓下間中式餐館 屋主話之前食過兩次D嘢食味道唔錯 就係咁走咗入去食 叫咗個招牌水晶雞 雞肉質感好嫩同好滑 控制得啱啱好 味道適中而且雞味頗濃郁正值大閘蟹當造 不過今年蟹非大造 每隻大概得四至五両重 過吓口癮 每人叫咗兩隻 雖然蟹仔細細 但斤両十足 膏多肉實 點上些醋和薑絲帶出蟹肉本身的鮮甜味 始終大閘蟹肉質口感有別於其他蟹種 食落去好滿足最後上咗個最早落單嘅雙腸煲仔飯 秋風起 臘腸特別香 臘腸本身偏瘦 香味卻不減 個人中意膶腸多D 味道偏甜 鵝膶嘅味道夠曬濃又夠香 同個煲仔飯一齊食 好味道所以話有米落肚真好