小火焰韓式咖啡廳 (觀點中心) (已結業)

今日勁凍，就黎左呢間韓國餐廳，食下韓國鍋暖下先。去到都幾full，好彩咁岩去到有位，可以即刻入去。一坐底，即刻簡個鍋黎食下先，我地簡左海鮮鍋，送到上枱見到仲出緊煙，裡面都幾足料下，有蝦，有蜆，有青口。即刻飲啖湯暖下胃先。有d辣既感覺，正👍另外仲叫左個泡菜肥牛炒准山面，口感幾特別，再加上辣辣地，好好食，好惹味。我地傾傾下計，好快就清左呢碟。另外我地仲叫左個炸蠔，一見到有炸蠔就好想試，比我想像中好食，好酥脆既感覺。