掌門重慶麻辣火鍋 (已結業)

天氣轉冷，熱辣辣嘅麻辣火鍋真係好岩同朋友聚首。今日膽粗粗試呢間食店，裝修好華麗，好有重慶地道感覺，加上地方精緻乾淨，環境認真唔錯。黎到當然試佢地特別介紹嘅青麻辣，雖則我地只叫小麻小辣，味道一樣濃厚，飲一啖過隱又刺激。加上我地叫咗鴛鴦鍋，中間有溫和嘅薯仔蕃茄湯，真係多重享受。餐牌食材多樣化，火鍋必備手切肥牛質素唔錯，肥瘦適中，牛味香濃，好岩配麻辣湯。不過最令我驚喜就係豬眼根，膠質豐富，彈牙鬆軟，回味無窮。韭菜餃就水準之內，皮有點偏厚，不過餡料味道香濃，都食得過。另外一提就係佢地有提供生啤，俾大家打邊爐都有麥香味更重嘅啤酒。總括黎講，掌門算係價錢合理嘅麻辣火鍋，呢間嘅湯底食材真係值得大家一試。