影片
更多
2024-01-04
21 瀏覽
天寒地凍唔食返啲暖嘅嘢補下個身真係搞唔掂, 呢一日畀朋友仔發現咗一間位於油麻地廟街附近嘅麻辣特色嘅火鍋店, 上網一睇啲裝修同食物都頗有特色 , 所以相約一晚大家一齊去朝聖！上到火鍋店一睇畀佢嘅火紅色嘅裝修心心地吸引住, 因為我超喜歡紅色, 紅色好旺我, 加上位於𨋢口位嘅古代服飾可以免費著上身亦可以一邊食一邊打卡, 畀我有一種截然不同嘅感覺未見過火鍋店可以咁樣配襯同埋可以懷舊一番.呢間火鍋店雖然唔係任食, 逐碟計價錢夠均真唔係貴, 我哋睇睇餐牌嗌咗個鴛鴦湯底, 叫咗個芫茜皮蛋豆腐同埋招牌牛油紅鍋, 我哋要小辣因為我哋兩個都唔食得太辣, 另外我哋再問侍應有咩好介紹, 佢就介紹咗個店長推介招牌四菌子同埋一份麻辣牛肉, 當然唔少得我最愛嘅響鈴, 原來呢度都有串燒食我哋所以叫咗羊肉串, 傑出三寶同埋我朋友最愛嘅魷魚, 啲魷魚好得意整到火箭形所以叫做火箭魷魚哈哈！ 當然我哋食火鍋要食羊肉啦所以嗌咗個小肥羊, 有嘢食點少得嘢飲呀我哋叫咗兩杯 百香果手打檸檬茶一杯正常一杯小甜, 雖然唔知道嗰四菌係乜嘢菌真係未見過但係好好食好特別, 羊肉同牛肉都好新鮮好好味, 啲響鈴浸一浸即刻入口脆卜卜好好味, 除咗食
上到火鍋店一睇畀佢嘅火紅色嘅裝修心心地吸引住, 因為我超喜歡紅色, 紅色好旺我, 加上位於𨋢口位嘅古代服飾可以免費著上身亦可以一邊食一邊打卡, 畀我有一種截然不同嘅感覺未見過火鍋店可以咁樣配襯同埋可以懷舊一番.
呢間火鍋店雖然唔係任食, 逐碟計價錢夠均真唔係貴, 我哋睇睇餐牌嗌咗個鴛鴦湯底, 叫咗個芫茜皮蛋豆腐同埋招牌牛油紅鍋, 我哋要小辣因為我哋兩個都唔食得太辣, 另外我哋再問侍應有咩好介紹, 佢就介紹咗個店長推介招牌四菌子同埋一份麻辣牛肉, 當然唔少得我最愛嘅響鈴, 原來呢度都有串燒食我哋所以叫咗羊肉串, 傑出三寶同埋我朋友最愛嘅魷魚, 啲魷魚好得意整到火箭形所以叫做火箭魷魚哈哈！ 當然我哋食火鍋要食羊肉啦所以嗌咗個小肥羊, 有嘢食點少得嘢飲呀我哋叫咗兩杯 百香果手打檸檬茶一杯正常一杯小甜, 雖然唔知道嗰四菌係乜嘢菌真係未見過但係好好食好特別, 羊肉同牛肉都好新鮮好好味, 啲響鈴浸一浸即刻入口脆卜卜好好味, 除咗食之外間店舖仲有好多打卡位, 除咗有人咁高嘅關公像之外仲有隻大大隻嘅熊貓壁畫, 整體而言我會畀足101分, 食過呢間火鍋店就畀我有一種非一般嘅感覺, 真係令我眼界大開下次都要再同其他朋友過嚟刷返餐勁嘅！
張貼
