燒肉屋 (清風街)

今日約咗朋友天后聚聚, 試咗間新開燒肉店，店裡裝修唔錯以原木木材為主, 燈火很有日式氣氛, 店內外都有打卡位。食品方面都相當唔錯，前菜及蔬菜任加泡菜及蘿蔔都幾好食。 我們3人叫咗兩款沙律，鵝肝多士, 日式特長牛仔骨,蒜蓉牛油燒扇貝, A5和牛拼盤等等, 樣樣都幾好食, 而且價錢都幾抵食, 性價比高！ 牛仔骨肉質鬆軟入味，鵝肝幾香脆不過也考燒烤功力, 和牛就同在日本食一樣，充滿和牛的油香味，自己覺得最正係個蒜蓉牛油扇貝, 食完個扇貝加啲紫菜飯落去吸曬啲牛油汁黎食, 食完都有點罪惡感不過真係好正！整體黎講，食物和環境算不錯！ 服務員也好有禮貌，有時間也有幫忙燒吓嘢食，值得再來試試其它嘢食！