御將燒 (雙子匯1期)

喺啟德睇show 之前，嚟到旁邊嘅雙子匯先食餐好。

2

見到OKOSTA主打大阪燒，入到去即刻俾鐵板「滋滋」聲同埋醬油香𠱁到流口水！日籍師傅頭綁「鉢卷」，手執兩把鐵鏟喺開放廚房玩雜技，估唔到依度又有一場show 可以睇。

1

1

33

🥞大阪燒
師傅將椰菜絲、魷魚粒撈粉漿倒落鐵板，「嚓——」一聲白煙衝天！睇住佢反手𠝹開半熟蛋，蛋漿好似熔金咁浸透成個餅底。咬落去外層脆卜卜，內裡又保持濕潤，秘製燒醬甜中帶鹹，口感味道一流。

大阪燒

大阪燒

🍗南蠻炸雞
炸雞上枱仲噴緊煙，咬一口肉汁好似噴泉咁標出嚟！暗黑食法：拎塊炸雞點大阪燒嘅燒醬，會有另一番風味。

1

南蠻炸雞

🐟 鰻魚定食
呢度嘅鰻魚飯唔係普通貨色，鰻魚皮燒到似玻璃紙咁脆，而且鰻魚蓋飯的特色是可以保持熱度，熱熱的食落去，鰻魚味加倍滲出。

1

鰻魚定食

鰻魚定食

🍨甜品（雪糕）：最後加個朱古力雪糕，非常完美。

1

甜品

嚟啟德睇show前，可以嚟OKOSTA 又食又「睇」先！