影片
更多
2018-06-10
409 瀏覽
香港人一向愛吃拉麵，尤其是對日本過江嘅拉麵店，更是趨之若鶩，有時甚至要喺門口大排長龍，亦在所不惜。筆者雖然未至於係拉麵痴，但都幾鍾意食拉麵。早前從臉書上得知，來自大阪的「神虎麵商店」進駐灣仔，瀏覽過網上食評，見評價正面，而且聽說店子還有日本拉麵師傅坐鎮，所以趁周末閒著，就決定拉埋老公兩口子一起到訪。店子位於大王東街 6-16 號安東大廈地下，門口掛了一個寫上店名的紅色紙燈籠，非常搶眼，十分易認。到埗後先在門外跓足細看，原來「神虎」除咗喺大阪擁有 5 間店舖外，暫時海外分店就只有 2 間，分別設於香港同中國長沙。拉開趟門內進，地方唔錯，簡潔舒服，除了吧檯位外，座位全部都以靠牆為主，中間通道非常闊落，空間感十足，比起現時流行的迷你型拉麵店寬敞得多。細心一數，座位不多，只有約廿餘個，如果是繁忙時間到訪嘅話，應該會十分旺場。由於瞄準這裡的拉麵而來，所以入座後就先每人點碗拉麵。拉麵主打豚骨湯底，至於口味方面，暫時就一共有 7 款可供選擇，除咗一款每日限量供應嘅醬油拉麵外，其他都以「虎」字命名，包括有元虎、黑虎、赤虎、海老虎、神虎及神虎精選，另外當然亦有小食和飯類供應，不過款式就唔算多。小食只有神
店子位於大王東街 6-16 號安東大廈地下，門口掛了一個寫上店名的紅色紙燈籠，非常搶眼，十分易認。到埗後先在門外跓足細看，原來「神虎」除咗喺大阪擁有 5 間店舖外，暫時海外分店就只有 2 間，分別設於香港同中國長沙。
拉開趟門內進，地方唔錯，簡潔舒服，除了吧檯位外，座位全部都以靠牆為主，中間通道非常闊落，空間感十足，比起現時流行的迷你型拉麵店寬敞得多。細心一數，座位不多，只有約廿餘個，如果是繁忙時間到訪嘅話，應該會十分旺場。
由於瞄準這裡的拉麵而來，所以入座後就先每人點碗拉麵。拉麵主打豚骨湯底，至於口味方面，暫時就一共有 7 款可供選擇，除咗一款每日限量供應嘅醬油拉麵外，其他都以「虎」字命名，包括有元虎、黑虎、赤虎、海老虎、神虎及神虎精選，另外當然亦有小食和飯類供應，不過款式就唔算多。小食只有神虎餃子、炸雞塊同辛辣大豆芽菜，而飯類就只有叉燒飯、窩蛋拌飯同白飯。既然一場嚟到，就一於試埋三款小食。
小食先上，這款是辛辣大豆芽菜，芽菜清新爽脆，食落頗香口，不過就辣勁十足，令人胃口大開，嗜辣的朋友應該會喜歡。接著上桌嘅呢款係神虎餃子 ($42)，餃子據說是師傅的拿手好戲，於店內每日新鮮自家包製，食得出唔係急凍貨色，入口不但外層香脆，而且內裡肉汁充盈，所以咬開時一定要小心，以防肉汁四濺。
另外這款小食是炸雞塊 ($38)，雞件非常大塊，新鮮即炸，放上桌時仍熱辣辣，香氣迫人。馬上挾起一件入口，外層炸皮脆口鬆化，內裡雞肉非常嫩滑，而且咬下去還有肉汁，蘸點碟上的沙律醬同吃，能減輕炸雞的油膩感。
食完幾款小食就輪到吃主角拉麵，選了神虎拉麵 ($98) 同海老虎拉麵各一。先品嘗前者，拉麵湯底以大量豚骨加蔬菜熬製，煲好後再由日本空運到港。先嘗一口呈淡淡奶白色的湯頭，豚骨味超濃厚，味道清甜，一點也不覺油膩。據知店方會跟足日本拉麵傳統，在每碗拉麵內加入背脂油，所以湯底飲落特別甘香，而且油脂有助保溫，故拉麵由開始至吃完，湯底仍然熱度十足！至於麵條，店裡暫時只得一款，屬直身偏幼，食落口感爽彈，而且掛湯力亦不俗。
配料方面，除咗基本嘅叉燒外，仲有手打丸子、木耳同溏心蛋。門外掛牌有標明叉燒是選用西班牙豬肩肉製作，挾起細看，勁大塊，不過望落就唔算好厚身，但肉質唔錯，非常柔軟鬆化，而且有肉鮮味。從未見過拉麵會配丸子，初頭的確感覺有點怪怪的，但估唔到這兩粒以免治豬肉、蓮藕和自家醬汁等手打製成的丸子，口感可以咁清爽鬆化，老公還說：「得兩粒咁少，真的有點不夠喉」。另外這隻味付溏心蛋，生熟度亦掌握得唔錯，蛋黃呈軟滑流心狀，入口蛋汁甘香。
至於另一客海老虎拉麵 ($98)，基本上配料與麵條同神虎拉麵相同，有肩肉、木耳、手打丸同直身幼麵，只係欠咗溏心蛋，不過湯底就加入咗蝦味噌，另外湯面亦撒上了一大把色彩鮮豔的櫻花蝦。先呷一口湯底，質感濃厚，充滿骨膠原，香而不膩，而且蝦味澎湃。再舀起帶橙紅色的櫻花蝦入口，咬下鬆脆芳香，而且味道層次豐富。每碗拉麵都會附有辣椒蝦醬，不過由於兩口子都不大吃得辣，加上剛吃了 spicy 嘅辛辣大豆芽，所以就請店員不用送上。
總括來說，兩碗拉麵都令人吃得十分滿意，甚至連小食都做得很用心，非常之有水準，趁人龍未現，看來要盡快再來品嘗多一次。
張貼
