東海酒家 (已結業)

於25/9 去到青衣東海酒家食晚飯，一家三口一入門口見到一個玻璃櫃擺放咗數以百計大閘蟹在內，我心諗咁早食大閘蟹得唔得㗎！坐低諗住叫幾個餸食完就走啦！點知望望隔離枱，個個起度食緊大閘蟹，見到個副經理Alan 行過即刻問問大閘蟹質素得唔得，個答案大家知緊係得啦！我信就奇但又見咁多人食，於是叫兩隻試試，一試又真係得喎！仲係六十幾蚊一隻大閘蟹，又肥好肉又夠膏真係掂。食過返層味，噚晚再去，Alan哥介紹個大閘蟹套餐$388比我哋試試每個飱有兩隻大閘蟹，我叫咗兩個套餐三人食，結果飽到仲要包走一隻大閘蟹，三人行八百幾蚊埋單真係超值。個套餐其中一味餸是煲仔蟹粉法包多士，值得推介。服務又好，我哋食大閘蟹食完一隻蟹就換一次碟，清理枱面然後先再蒸一隻比客食，我都是第一次食大閘蟹咁樣比人招呼，食蟹d飱具又真係好靚。食完埋單多口問問Alan 哥，點解d大閘蟹質素咁高，佢話集團自家來貨。咁真係掂掂掂！