東海酒家 (已結業) 查看

服務唔好 食物質素差 唔係應該係衣城出現嘅級別 是咁的 上年同屋企人食飯, 週圍冇位, 老母想食中菜 咁平時都有去開太子個間東海 都ok 好食 點知一坐低 冇人理你 幾台人叫寫野 得一個呀姐, 叫野食乜都話冇 態度又麻麻地, 最pk 係一碟魚肉蒸乜乜 啲魚有一大陣化學味, 以後唔再去

從來冇去過咁差既酒樓！去到茶樓，壼普洱一倒出黎勁淡色，而且淡而無味。因為我遲到既關係，仲以為係泡左幾次所以先咁淡色，後來先知我飲既原來係第一浸茶。好明顯用舊茶包扮沖新茶，非常嘔心！後來同茶樓職員講，佢首先話係放錯茶包，然後聞一聞佢都話係用舊茶包沖既普洱，換左壼用新既普洱俾我哋，呢壺當然有色有味，我更加肯定嗰壺係用舊茶包沖既。雖然有道歉，但做飲食做到咁無良心，真係好差。肯定冇下次！

接男友收工，來這裡晚餐。EEE，有好多特價菜，最重要有男友最愛的蒸魚而且138元就二話不說入來了。再點一個南乳齋煲就夠了，齋煲也是88元。齋煲賣相其醜，但味道很濃，南乳很香。龍躉蒸得少許過火，還可以。東海來說，是日價錢取勝。

同屋企人飲早茶...周六既關係...怕要輪號等得耐, 但今日9點半尼到, 4人枱即時有位喎!! 仲可以安排到近落地玻璃既開揚位置…醒神啊!!東海都尼過好幾次…環境OK, 職員服務都有禮…食物方面, 傳統點心如蜜汁叉燒包 $26晶瑩鮮蝦餃 $36 都係合水準之作, 冇乜閃失!!今次特別推介有:臘腸蒸滑雞飯 $20 (早晨特惠)…香噴噴熱騰騰!!...雞肉嫩滑、臘腸切薄片易入口!!…飯米企身好o趙頭…仲要係特惠價!!...好抵食實在!!滷水豆腐伴火腩 $55…腩肉嘛!! 擇肥而嚼!!...滷得入味! 送口白飯或美酒更樂也!! 更要讚o既係個豆腐…外脆內嫩!! 跟肥腩肉平分春色…誰也搶不到誰的風頭唷!!合桃叉燒酥 $30 …就是合桃酥夾著叉燒餡!! 合桃酥脆, 甜中帶小咸…幾可口!! 覺得比傳統叉燒酥好味添!!而以下兩樣點心…就覺得下次無謂叫了!!!蔥花炸兩腸粉 $36….手拉白腸粉 $30腸粉吾係特別白滑…豉油好似混水一樣淡口冇味…隨便揾間粥麵舖做得好味過佢絶非難事耶!!...收三十多元一客…吾抵食!!茶錢 @$12

雖然喺小弟嘅生日飯，姨仔亦話隨我揀，不過，食乜我又無所謂，但求搵個機會一家人聚聚，又就番舅仔一家，專登走過去青衣嗰邊，話晒佢哋有小朋友，就一就佢哋都無所謂。青衣城就最就到所有人，可是問咗幾家都分時段，最後，訂咗無咁旺嘅東海，輕鬆坐幾耐都得。環境就唔多講，傳統中式酒家嘅格局，枱與枱嘅密度一般般啦，至少埋邊位唔會出入唔到，樓底又高，空間感算強，所以，喺幾好坐。而且，人手足，侍應跟餐枱數量比例平均，唔會搵極都搵唔到侍應，兼幾好禮貌。隔日同朋友行完城門水塘，再落荃灣千色匯間富臨，個場大到可以擺30多圍，但侍應就見只得三幾個，睇佢哋做到踢晒腳之餘，仲一肚火嘅服務態度。雖然佢哋有個主餐牌，但見張「快速」點菜紙都有嘢啱食，況且，我哋嚟東海都無話特別想試乜，所以索性晌度一次過點晒啱食嘅菜式。海底椰雪梨煲大尾魚 $138其實佢喺是日例湯嚟，卻喺大家全晚最欣賞嘅菜式，因為夠火喉，入口又潤，飲落無味精，的確值得讚佢。湯渣另外碟上，以證明真材實料。茶樹菇黑椒炒牛柳 $108黑椒炒就一定喺惹味啲，所以，道牛柳用嚟伴飯就一流，而茶樹菇又喺健康有益嘅食材，炒出有啲油，喺美中不足之處。大花尾躉兩味 $298先上嘅喺果

同媽咪兩個人食午餐，隨意走入東海酒家。其實就冇太大期望，但係啲點心又幾好食喎！個鮑汁鳳爪非常入味，入口即溶，而且又唔太鹹，非常好！冬菇竹笙腸粉好足料，冬菇唔係一片片，係一塊塊，一啖有三分一隻冬菇媽咪話牛肉球一睇就知係新鮮整，因為肉色同雪藏嘅係唔同㗎。的確係有牛味，同埋比較鬆化。至於個叉燒酥呢，我就鍾意再焗脆Ｄ，中間叉燒嘅料呢就比較少。四樣食物加一結果一百八十蚊，喺青衣城算係咁啦～

不經不覺吃黃油蟹的季節又到了，立即相約小a，一起去品嚐這個時令美食，原本打算到尖沙咀的東海店，可惜因為星期五的關係，全店滿座，已不接受訂位，唯有改到青衣城的分店。
晚上七時多，這裡還有空席，我們安坐於靠窗位置，美景相伴進餐，感覺份外舒適。
點了東海黃油蟹嚐鮮宴，先來小吃，脆皮燒腩仔，肥廋相隔，入口鬆軟油潤，皮脆肉香。
蟹籽芥末墨魚，蘸滿特製的芥未醬，單看賣相，不覺吸引，但吃下一口，彈牙的口感，以及那股辛辣的清爽鮮味，即時已深深愛上，愈吃愈開胃。
姖松茸海參燉花膠，彌足珍貴的食材，姖松茸的清香陣陣飄至，呷一口，味道濃厚鮮甜，感覺十分滋補，豐富的湯料亦吃過清光。
油鹽焗黃油蟹，蟹膏甘香豐腴，鹹味溫和，肉質鮮爽十足，因為這個黃油蟹是以油鹽焗製，蟹膏不是像蛋黃的流心狀態，是完全熟透，但味道亦十分鮮甜。
黑椒白菌和牛粒，和牛油脂豐厚，香氣四射，搭配著黑椒及白菌，非常惹味。
瑤柱白玉翡翠，用上湯及瑤柱浸熟的勝瓜，清爽鮮甜，感覺健康。
蟹粉小籠包，薄薄的外皮，裹著飽滿的湯汁，蟹粉鮮味十足，我倆要追加多一客，才能滿足。
口裡吃著黃油蟹之時，心想接著來的就是大閘蟹的季節，介時必與小a ，再來吃一頓大閘蟹

星期六長輩六十大壽，打算買一籃壽包好好睇睇咁到賀。星期四打電話去青衣城東海訂，竟然要之前一日親身去落訂，這款壽包我已訂過3次分別是美麗華，the one ＆灣仔都不需親身去訂的。我真心覺得以香港人咁忙特登親身去訂真係好煩羅加上拿到手時所有裝飾全部無曬，以前有假花及假壽包全部沒有，真的有被騙的感覺，以後也不會再幫襯。以前的包裝，引用網上的。在青衣城東海訂購什麼裝飾都沒有的。

青衣分店的東海海洋酒家。侍應很少很少但接待態度還好。點了一個蘿蔔生煎包，生煎包送上居然是冷的，是從冰箱拿出來的那種冷。侍應幫我們換了 ，但從原來的2只包變成一只包。他們說原因是我們試吃第一只的時候吐了出來，不是完整的。而且侍應不是幫我們換而是只把餘下的一只包加熱。這種服務讓人難以接受。最後爭論了一段時間他們才肯把這個取消。最後那只包也給收回去。另外蛋白炒飯份量好少而且感覺不是炒的。吃下感覺是從微波爐弄熱的。售價也不平。沒想到這價錢會吃到剩飯的質素。如果對飯店裝修環境有要求，老實說，在青衣比這店好的也有很多。

之前同屋企人試過青衣城既稻香，覺得質素愈來愈差。今次一於試下東海，一段時間之前都試過，果然無令我地失望！首先都要多謝爸爸去攞位先，假期真係好多人，等成二三十張枱！不過值得既，因為入面環境舒服寬敞，我地仲坐到窗邊位，落地玻璃透入陽光，令人感覺好悠閒！枱與枱之間夠空間，樓底又高，唔會太嘈，驟眼睇好似無乜搭枱，坐得好舒服，張枱又夠大，擺十碟八碟點心都仲得。相反稻香就總係好局促，好迫夾咁。總之一坐低，就可以輕鬆嘆下茶。叫左十幾個點心，有啲太餓無影到呢個紅油抄手呢，賣相唔錯架，不過味道就唔正宗，似普通雲吞咁。叉燒腸新鮮蒸，熱辣辣，用料足，好味！好耐無食過牛柏葉有呢種質素，爽口彈牙，重要既係唔肥膩，一般都好似油浸咁。金錢肚略嫌少左啲，但個茨唔厚，幾好食。蝦餃又係新鮮滾熱辣，皮薄餡靚，蝦又大隻。奶皇包比一般既細隻啲，不過都唔錯。我自己好鍾意食傳統馬拉糕，好多酒樓整到好肉酸蒸過龍咁，但呢度整得岩岩好！好味！當然唔少得燒賣，又係大大隻蝦，滿足到我屋企人最愛燒賣蝦餃！牛肉本人唔好，但賣相幾好！糯米雞確實有啲失望，因為無乜餡料。綜合黎講，飲茶都係想同家人開開心心enjoy下家庭樂，環境舒適令人坐得舒服，場內

自從上次響奧海城東海食果餐晚飯之後，個心一路都對果個超足料既雜菜煲念念不忘，所以上星期日決定帶埋屋企人去附近青衣城果間分店Encore。一坐低見到個Menu ，心諗:咦, 點解唔見左既? 搵左一陣，見到有個”鮮茄湯浸雜菜煲”, 9秒9即刻Order 左先, 幸好皇天不負有心人，雖然無上次個煲咁多料(因為價錢都差左一截)，但係蕃茄湯亦係我既至愛，所以三爬兩撥就比我ko哂! 仲有我老公知我姐鍾意食茄子，所以order 左一味老乾媽茹子斑頭腩煲，茹子ok ,不過個煲痴實左d 斑腩，所以有d乾。另外，食肉獸既老公就叫左碟無鍚五花腩, 跟埋仲有一碟饅頭tim…, 我老公話d肉汁好甜，好好味，我就唔鐘意食咁大舊肉，就索性將饅頭點落d紅卜卜既汁嚟食，味道都唔錯啵。仲有就係蝦籽海參花膠炆豆腐，依個都ok, 下次Encore 之選。而估不到最好吃的竟然係我平時唔太喜歡食的蓮藕, 咬落去好爽脆, 而且夠熱, 個汁好香濃, 很正! 我媽都話好好味, 超讚!!成餐飯最令我驚喜的是最後上的壽包, 用像是面盆的蒸籠盛載, 一打開, 我嘩左一聲, 因為每個包有拳頭咁大, 即係以前舊式酒樓大包的份量, 包的餡料除了蓮

下午茶，等10mins左右入座，環境好好，茶用茶包雪山叉燒包皮厚左d，唔太甜，ok，如果熱d會好好多鮮蝦雲吞中點HKD19 4粒，好少蝦，豬肉多數，湯底淡，很一般牛百葉正常，份量幾多，唔油膩，唔硬，唔錯蝦餃好多蝦，皮好煙un，餡料係無豬油香味小籠包3個 HKD19，裡面幾多湯，個醋比較甜，ok

約埋妹妹一家人返娘家飯聚，大大小小加起來有十多人，現在又天氣炎熱 ，為免媽媽煮得辛苦，所以我提議外出舒舒服服食啦！近近地就選擇了青衣城 。經過東海時，見到不需等位，又有恆生信用咭優惠 $33 一款小菜，仲有 $38 一條魚 ，全部都好吸引呀 ~ 所以二話不說就坐低左啦！首先恆生信用咭優惠 $33 一款小菜一共有 8 款，好想全部都叫晒呀，但有幾款小朋友不適合食，所以只揀了其中 5 款 ...【 紅燒雙菇 】味道唔錯，喜歡食菇的人一定覺得好好味 (包括我 .. haha   )【 蒜香四季豆 】這個是凍食的，味道一般，但小朋友好喜愛呢！【 炸菜腎片 】辣辣地好惹味呀！送飯一流  【 黑椒蒜片豚肉粒 】蒜片好脆呀！再加上洋蔥，味道提升不少   豚肉好腍，小朋友都可以食呢！【 鎮江小排骨 】酸酸甜甜，加上排骨仲係脆脆地，好香口，又係好好味呀！【 金不換鹽燒海魚 】剛剛上到枱時，賣相極不吸引，但食起來又極之好味喎。。鮮味到極   $38 真係好抵食呀！【 椒絲腐乳炒通菜 】普普通通，不過不失。【 菠蘿咕嚕肉 】酸酸甜甜，好醒胃，又是好味之選  【 脆皮燒肉 】Order 給小朋

点了两道东海十大推荐名菜焗蠔仔蛋和腐乳红烧肉和干煸四季豆，两道所谓的名菜淡而无味，蠔仔蛋几乎是蒜片蒸蛋羹，红烧肉味道寡淡不香，颜色鲜红，色素用得过多。干煸四季豆味道还可以，也就是超市里盒饭的水平，不像前两道推荐的所谓十大名菜那么难吃而已，总之对东海是很失望，价格偏贵，菜又难食。

青衣城食店雖然多，但中菜卻只得4間。其中東海酒家便是我最愛！當晩叫了4道菜：包括蒜蓉蒸聖子，白切雞，薑蔥牛肉煲及啫啫生菜煲。蒜蓉蒸聖子：新鮮，以及連粉絲一起蒸，好味。白切雞：唔係雪藏雞，雞嘅鮮味十足！薑蔥牛肉：牛肉分量多，惹味，餸飯一流！啫啫生菜煲：蝦醬味濃。上檯時真係聽到啫啫聲經過今晚。東海酒家繼續成為我最愛的酒家！