未到睇戲時間，於是諗住去德福附近搵嘢食啦🙈見到呢間平時好多人排隊嘅拉麵店，咁啱唔使等，於是就去試吓👻
🧡大門油麵 $62 🤩8/10
大門油面好特別咁有兩個食法，第一個呢就係直接將個面撈勻後直接食，而第二個呢就係加蒜蓉同蛋黃醬或者醋一齊食啦，食得辣嘅仲可以加埋紅油添🙈小編最鍾意呀就係加蒜蓉同蛋黃醬㗎喇，食嗰陣時有脂肪滿滿嘅滿足感，食完之後仲可以天下無敵㖭🫢（冇人再敢同你講嘢啦）
🧡大門沾麵 $65 🤩 7.5/10
沾麵嚟到嗰陣時好熱辣辣，將啲麵點落去個柴魚汁到，再一口氣吸入口，之後就忍唔住一啖接一啖，直到食晒成碗面😋😋食晒之後仲可以叫店員幫你加啲高湯落個柴魚汁到🤤直接飲埋成碗汁
🧡大門特製拉麵 $75 🤩 4/10
相比起平時食嘅拉麵，呢度啲拉麵比較幼身，但食落去都好彈牙🤩如果你鍾意清淡啲嘅，咁呢款拉麵一定啱你啦😉但小編作為一個重口味嘅人，就覺得味道有啲淡，如果可以行多少少就更加好啦🙈
______________________________
味道😋: 7.5/10
環境👀: 7/10
服務👨🏻🍳: 7/10
抵食💰: 7/10
