Burgeroom (美麗華廣場1期) (已結業)

試左美麗華既burgeroom，門面設計幾特別，有好多車轆既裝飾，仲有幅勁大既畫，design 都幾美國風。入到去，就算閒日已經有成八成人坐滿。叫左兩個漢堡，一個芝士漢堡同一個菠蘿魚漢堡。一上枱，兩個漢堡勁大個，塊牛肉厚度目測應該超過5cm, 舊肉好juicy，勁厚芝士！正！另外個菠蘿魚漢堡都好食，個麵包脆脆地，加上啲醬汁同菠蘿夾埋個炸魚柳酸酸甜甜好夾。叫左杯iced peach tea 試下，有驚喜喎。原來入面有啲細細粒既果肉，成杯蜜桃茶都好清新，係唔飲啤酒同汽水既另一個好選擇！其實係美麗華百零蚊(銀聯咭滿三百蚊有七折)可以坐得舒服唔使俾人趕，食物質數又唔錯既，性價比都算唔錯！