髀魔-雞髀第一店 (太子道西) (已結業)

第一次食髀魔🍗，門口成日都好多人等拿外賣，店舖門口雖然有兩張枱，但都係以外賣為主。經典魔髀（自家製椒鹽）$43隻雞髀有塊臉咁大，都算對得住個價錢。經典果然係經典，簡單嘅椒鹽味已經好掂！黃金魔髀（鹹蛋黃醬）$48雞髀即叫即炸，鹹蛋味勁香濃，但食得多又唔會話好膩👍🏻而且炸得好好，層皮酥脆入面嘅肉又多汁☺️甘梅地瓜$33外層曬上甘梅粉，酸酸的感覺好新奇，外脆內軟。經典魷魚鬚（自家製椒鹽）$41用同一樣炸粉炸魷魚鬚，炸漿不厚身，非常薄脆，椒鹽味同魷魚鬚最夾。乳酸爆爆珠$30乳酸飲料加上爆珠。乳酸雪沙$30超大杯沙冰。