影片
更多
2023-04-14
35 瀏覽
呢排發現海富多咗間川菜，平時冇為意，見到就一於試一試佢。鑒於中午都頗為多人，就決左買外賣翻屋企食。-1. 菲菜豚肉雲吞8/10-一開始覺得雲吞比較細粒，食落會冇咩感覺，但食落都幾足料。雲吞入面豚肉同菲菜比例岩岩好，唔會互相搶晒啲味。豚肉落左一定既肥肉，所以食落有肉汁既同時亦都有肉既香味。-2. 蜜糖芥末雞翼9/10-個人好推薦呢個，除左價錢略貴，味道係十分不錯。蜜糖芥末醬就冇乜特別，但醬汁既份量岩岩好，唔會令到個雞翼冧晒。雞翼炸得夠乾同脆身，保留晒入面既肉汁，可以話係爆晒出黎！拎完外賣半個鐘依然保持到香脆。雞翼亦都幾大隻，比譚仔既大三成左右，食落會帶到比你好大既滿足感，真心值得一嘗。-3. 川式涼麵8.5/10-塊麵入面有花生、芫茜、青豆同青瓜絲，食落口感幾豐富。麵條彈牙唔會太冧，亦都掛到汁，所以食落好夠味同惹味。-美中不足既係嘢飲suppose要自己拎，但第一次幫襯加上店員冇提醒就冇拎到🤣雲吞雞翼加嘢飲總共$55，而涼麵就$30，埋單$85可以話係幾抵食，值得再試。
-
1. 菲菜豚肉雲吞
8/10
-
一開始覺得雲吞比較細粒，食落會冇咩感覺，但食落都幾足料。雲吞入面豚肉同菲菜比例岩岩好，唔會互相搶晒啲味。豚肉落左一定既肥肉，所以食落有肉汁既同時亦都有肉既香味。
-
2. 蜜糖芥末雞翼
9/10
-
個人好推薦呢個，除左價錢略貴，味道係十分不錯。蜜糖芥末醬就冇乜特別，但醬汁既份量岩岩好，唔會令到個雞翼冧晒。雞翼炸得夠乾同脆身，保留晒入面既肉汁，可以話係爆晒出黎！拎完外賣半個鐘依然保持到香脆。雞翼亦都幾大隻，比譚仔既大三成左右，食落會帶到比你好大既滿足感，真心值得一嘗。
-
3. 川式涼麵
8.5/10
-
塊麵入面有花生、芫茜、青豆同青瓜絲，食落口感幾豐富。麵條彈牙唔會太冧，亦都掛到汁，所以食落好夠味同惹味。
-
美中不足既係嘢飲suppose要自己拎，但第一次幫襯加上店員冇提醒就冇拎到🤣雲吞雞翼加嘢飲總共$55，而涼麵就$30，埋單$85可以話係幾抵食，值得再試。
張貼
