新沙洞大排檔 (大政街)

營業中

休息中

早排碌社交平台見到有Foodie推薦呢間韓式大排檔，望落環境唔錯，食物好似幾正咁，呢日就同左朋友仔黎試試，果然冇揀錯，野食大大份又好味😋❀宮廷燉牛肋骨鍋❀牛肋骨超級大嚿，煮到好軟腍，加咗蘿蔔落去煮，令到湯底好清甜，不過份量好多，最尾我哋打包咗一半。❀新沙洞炸雞半份❀炸雞炸粉幾薄，甜辣醬少少辣，怕辣嘅人都可以照食，炸雞肉多，又Juicy。❀泡菜煎餅❀泡菜煎餅比較厚身，望落去以為係煎午餐肉咁，食落外脆內軟，味道酸酸辣辣咁，開胃又惹味😙😙❀韓式醬牛肉紫菜飯卷❀飯卷配料牛肉、蔬菜絲及青瓜，食落口感豐富，仲有陣陣麻油香味。❀甜薯芝士條❀個芝士條識落甜甜地，好輕鬆就拉到好長嘅芝士，超級邪惡，視覺效果一流。❀黑糖蜜黃豆粉麻薯刨冰❀個刨冰份量成座山咁大，黑糖蜜甜甜地，唔會覺得好膩，配料有小丸子，煙煙韌韌咁，整體味道都唔錯，同朋友share食就岩。❀肉桂鮮奶咖啡蜂巢特飲❀咖啡味幾濃，鮮奶比例啱啱好，底度有粒蜂巢蜜幾得意。