越苑 (已結業)

食親越南野，生牛河一定係必吃既！已經幫襯左依間小店N次，由細鋪食到搬大鋪，唔好睇佢廚房細細，無乜裝修，佢煮出黎既野食真係出乎預料的有水準！今次叫左個餐，生熟牛河，配小食米網春卷，仲叫左杯滴滴咖啡。📌生熟牛河 - 湯底依舊keep住高水準，好濃郁既牛味，飲完唔會口渴，河粉又薄又滑，牛肉片有幾塊。鍾意食辣既朋友可以問佢提供青檸同辣椒🌶️，更能帶出湯底既肉味，同時更加清新！仍然會繼續來吃，比起市面其他連鎖店更高質高好吃😋📌米網春卷 - 跟餐有兩條，即叫即炸的，可以點一點甜酸汁，再攞生菜🥬包住一齊食，一d都唔油膩，好味😋📌滴滴咖啡☕️ - 好香，唔會太濃烈，不過記得滴完要趁熱飲，唔係杯內既煉奶會擎左，好難搞混。