影片
更多
2017-12-27
114 瀏覽
自從之前食過一次廚師發辦後，就愛上果種廚師幫你安排一切，以最新鮮食材配以精湛技巧炮製既連環驚喜。最近比我發現有間食天婦羅既廚師發辦，今日就同朋友去試下，睇下有無驚喜。晚市有三個唔同既set, 價錢有$880, $1180 同$1480 三種。我挑選既係中價位既「瀧」套餐。先付北海道海膽配上松葉蟹蟹膏及原條蟹腳肉。食時先伴勻鵪鶉蛋黃及其他材料，味道有陣陣甘香，又有蟹既鮮甜。口感滑溜又食到絲絲肉感。前菜擺盤好精緻既前菜，係好raw既石盤放上精緻小食，睇落有強烈對比。以角粉同杏仁整成既杏仁豆腐，內裡成份完全無豆。有好強既顆粒感，味道有少少焦香同wasabi味。水母剌身，酸酸地又有啲蔥味，口感好似食緊軟骨甘爽脆。愛知縣銀杏經炸過後， 口感煙韌，尾調略苦。鴨胸配芥末子，味道竟然似帶酒香既滷水。蠔噌醬清湯正方型呢個係好特別既蠔肉魚蛋，以蠔碎加魚肉整成，口感唔係彈牙，反而係入口即化。味道有好濃蠔味，再慢慢滲出魚既甜味，湯頭帶有芫茜同柚皮既清香。上刺身既碟係雪凍過既，盡顯店家既細心。刺身有獅魚、北寄貝, 同店員囑咐最後先食既拖羅，因為味道最為豐厚店員一上呢碟調味料，就知道最期待既天婦羅時間要開始喇。蘿
最近比我發現有間食天婦羅既廚師發辦，今日就同朋友去試下，睇下有無驚喜。
晚市有三個唔同既set, 價錢有$880, $1180 同$1480 三種。
我挑選既係中價位既「瀧」套餐。
先付北海道海膽配上松葉蟹蟹膏及原條蟹腳肉。
食時先伴勻鵪鶉蛋黃及其他材料，味道有陣陣甘香，又有蟹既鮮甜。口感滑溜又食到絲絲肉感。
前菜擺盤好精緻既前菜，係好raw既石盤放上精緻小食，睇落有強烈對比。
以角粉同杏仁整成既杏仁豆腐，內裡成份完全無豆。有好強既顆粒感，味道有少少焦香同wasabi味。
水母剌身，酸酸地又有啲蔥味，口感好似食緊軟骨甘爽脆。
愛知縣銀杏經炸過後， 口感煙韌，尾調略苦。
鴨胸配芥末子，味道竟然似帶酒香既滷水。
蠔噌醬清湯正方型呢個係好特別既蠔肉魚蛋，以蠔碎加魚肉整成，口感唔係彈牙，反而係入口即化。
味道有好濃蠔味，再慢慢滲出魚既甜味，湯頭帶有芫茜同柚皮既清香。
上刺身既碟係雪凍過既，盡顯店家既細心。刺身有獅魚、北寄貝, 同店員囑咐最後先食既拖羅，因為味道最為豐厚
店員一上呢碟調味料，就知道最期待既天婦羅時間要開始喇。蘿蔔蓉用上兩種日本蘿蔔，用上靜崗既甜蘿蔔，再加上九洲蘿蔔帶出既辛辣，然後伴上檸檬汁，估唔到連蘿蔔蓉都可以甘有層次感。
碟上仲有兩款鹽供選擇，黃色既係咖哩鹽，味道偏重。
另外一款係沖繩海帶鹽，呈現淡粉紅色，好靚呀。
花竹蝦天婦羅用上本地新鮮花竹蝦，係自家魚缸到一囉上黎就立即處理好整成天婦羅。
炸漿薄得黎好脆，無多餘油脂。花竹蝦肉質實在，沾上少少海帶鹽，完全帶出鮮蝦濃鮮味，係我食過最好味既蝦。
目光魚天婦羅目光魚魚身漲卜卜，肉質好滑好多汁，有啲似九肚魚，但更有魚香。
海鰻天婦羅 見到呢個綠色既醬汁有點驚訝，細問之下原來係以日本得獎既京都萬能蔥磨成既醬汁。
食落完全無草青味，反而有種清新既甜味，同海鰻天婦羅既肥美perfect match。
估唔到連大蜆都都可以連殼炸做天婦罹！大蜆肉切件，再加上冬菇及菜苗同炸，蜆肉好甜好多汁。
合肴。熱食「瀧」套餐包入面既熱食係炭燒鴨肉脾 ,醬汁係以血鴨骨熬既汁，有香烤味，好出色。
鴨肉批，穌皮鬆化，批底同肉餡無出現分離情況，味道咸咸香香。
九洲石斑拉麵湯頭係雞汁濃湯，濃稠到可以掛係麵上面，仲有點點芽蔥同柚子皮令味道更有層次。
石斑肉好彈牙，好新鮮。不過略嫌份量太大，太飽。
甜品係鹿兒島安納芋，黎到既時候熱到出煙，原來已經生炸左足足四十五分鐘！但表面竟然都無炸過火，反而好香脆。伴碟有白蘭地及砂糖，食芋頭時點一點先食，口腔會充滿住酒香，味道似食緊拔絲芋頭甘。
仲有又綿又香甜既啤梨作結。大滿足！
張貼
