日式刺身琳琅滿目，包括三文魚、吞拿魚、甜蝦、八爪魚、帶子，每片新鮮，入口鮮甜，仲有三文魚壽司、鰻魚壽司和加洲卷等。
喜歡韓燒的客人，可在座位餐枱上進行韓燒。韓燒食物選擇豐富，例如香辣厚切五花腩、大大塊的日式雞扒、牛五花、三文魚骨腩和豬腩片。餐廳仲奉送一盤新鮮高質的A4北海道黑毛和牛、日本北海道千歲米豚豚腩和美國頂級手切牛。
日式火鍋都好吸引。湯底有三日式豬骨湯和壽喜湯。日式豬骨湯夠味又唔會太鹹，豬骨香四溢。火鍋材料有各式丸類，仲有好多蔬菜！
有多款特式飲品，例如百里香沙冰，配上芝士奶蓋，好味又特別。蘋果酒都好有韓式風味。甜品有豆腐花、 雪榚和雪條等。
餐廳提供各類日韓食物，使人目不暇給！服務員服務良好，定時收拾碗盤及更換韓燒爐的吸油紙。如果餐廳能提供日式甜品或韓式前菜，就更吸引！
10
