燒魂 (已結業)

又嚟咗每個月食一間放題嘅定律，今次嚟到尖沙咀呢一間舖頭，除咗有得食刺身之外，仲包埋燒肉添，難怪成日都人頭湧湧！先講刺身🤩選擇唔係好多，不過想食嘅都已經包含在內。全部都有用冰底，食落就冇咩雪藏味，特別係甜蝦都幾鮮甜！肉類方面： 豬、牛、雞都有，有啲預先醃製左，有啲就可以按自己喜好加上調味，壺漬牛粒燒嘅時間比較長，不過牛味比較香濃😋😋而西柚汁霜降和牛呢個配搭就比較少見，不過其實醬汁味道唔係好搶，肉質都幾淋～比起一般嘅放題，餐廳嘅飲品就唔係任飲，不過至於其他嘅一品料理、主食、壽司都應有盡有，特別推薦佢嘅天婦羅炸蝦、炸鮮奶，全部都不油不膩，仲相當之香口添！