校長燒肉日韓料理 (沙咀道) (已結業)

放工好肚餓，同朋友2人去食放題填飽個肚。🤣環境好舒適，每張檯都係卡位，好闊落、坐得舒服又唔驚講野比隔離聽到。😂 $198+1 放題食物種類應有盡有，無論係前菜、燒物、火鍋、刺身、熱食、炸物、水果、甜品、飲品等等款式都好多，質素亦好高，而且每張檯都有一份蝦、豬腩肉及牛小排，每人每款2件，牛肉好食，肉汁豐富，如果切得大件d更加好。😂最令我驚喜的是刺身，完全無想過日韓燒的放題刺身是如此高質。刺身每次可以取三款，我選左三文魚腩、墨魚和帶子，每款有三件，三文魚腩好大件、油脂亦好豐富，其他二款亦非常新鮮，好好食。😋 燒烤食物種類繁多，朋友和我特別喜歡燒牛肉粒，肉質嫩滑多汁，用少少調味帶出肉味，我地食左好多牛肉粒😂，其他燒烤食物都唔錯，最值得一讚的是雖然任食，校長燒肉的食物presentation係好好的，完全唔求其，而且食物補充得好快。👍🏻食左好多肉類燒烤後，我地用左壽喜燒湯底煮菜，有好多唔同菇類、菜苗、南瓜及生菜等等，清清腸胃。😋因為太飽，雖然有好多水果和甜品，我地都無空間再食啦。😂😂