吉壽日本料理 (已結業)

又黎食放題喇，放題可以講得係學生時代經常出現嘅餐單，價格都合理，而且適合一大班朋友一齊黎，今次就係同學生時代嘅朋友黎懷念一下。一坐底即刻點左刺身先，店員都好快幫我地落單同送上一大盤刺身，刺身選擇都多，連泰式蝦都有，平時好少食希靈魚，今次食覺得一啲都唔腥，酸酸地好好味。壽司有我最鐘諗食嘅左口魚邊，口感好好又夠肥，三文魚腩都好正。串燒一定要食嘅鰻魚，夠厚又夠肥，入口即化仲有牛舌，燒到岩岩好，一啲都唔乾身。芝麻雞翼係必食，炸到好香脆啲肉仲係好滑好多汁。天婦羅見到有炸鮮奶，點左黎試係好味，好香奶味唔會好甜，當甜品食岩岩好。食到膩膩地可以去自助區，有泰式鳳爪同沙律仲唔夠可以點埋燒菠蘿，食返幾舊又可以食第二輪。煮物要左蟹粥，有半隻蟹同蝦，味道夠鮮甜清酒煮硯好大隻，啖啖肉。試左一個炸帶子 ，炸帶子上面有三文魚沙律，都幾特別味道唔會油膩都開胃。最後就係甜品同雪糕，種類選擇都多，雪糕櫃有好多細個經常食嘅雪條，牛奶仔、大腳板、雪米糍，甜品細細份試唔同味都唔怕肥。