黑木亭居酒屋 (金馬倫道)

今日想食日本野，TST都幾多選擇，經過見到呢間都幾唔錯咁，比佢裝修吸引就入左去。入面真係幾靚，好有日本feel ! 野食選擇都幾多，叫左天婦羅茄子田樂燒，一開始都唔知咩係田樂燒，原來係用日式麵豉調味，所以好香，又唔會太咸，中間D茄子肉又唔會乾。另外，叫左個波士頓龍蝦剌身，今次都係第一次食龍蝦剌身，感覺好彈牙，唔會有腥味架。仲可以二食，食埋石鍋龍蝦泡飯，會有工具比你拆肉。飯入面都好足料，有豆腐，蟹柳，翠玉瓜同埋龍蝦肉粒。重點係個龍蝦汁!!成個飯都係! 好入味。日本啤酒拉面係我最期待，都係因為見到隔離台叫我先叫，本身以為係飲，原來係食得既拉面，入面扮啤酒既係冷面汁，上面係D芝士奶蓋，幾特別，打卡又靚。野飲都幾唔錯，蜜桃烏龍熊茶有隻熊仔係到，好Q!