スーパー丼 (駱克道) (已結業)

今次搵食黎到銅鑼灣嘅superdon. 先講裝修，樓底幾高，燈光光猛，枱同枱之間隔距合理。三五知己都坐得幾舒服。最重要既係餐廳都有提供到生啤，一堆朋友傾計就更加盡興。講返個menu，主打就係魚生丼。而最特別既係可以自選海鮮丼，玩法就同勝手丼差唔多。鐘意要咩魚生同侍應講就得。最好重要既就係唔似得其他餐廳，因為比你自己選擇魚生而收貴你。我就叫左三款魚生，海膽，三文魚籽，油甘魚。可以見到份量一啲都唔算少。唔使擔心食哂啲魚生都未食完啲飯。先講油甘魚，切得都幾厚身，口感一流，食到啖啖油香。海膽份量算幾多，基本上可以撈到半碗飯。海膽都幾新鮮下，而且味道濃厚。三文魚籽份量都好算多，本身就好夠味，撈飯連醬油都唔使落。好滿足。