黑木亭居酒屋 (金馬倫道)

之前黎過覺得好好食，所以今次放工後同男朋友尖沙咀行完街再黎一戰😋，雖然menu 同之前唔同，但今次食物都好有創意同有驚喜。炸蔥吞拿魚蓉鮟鱇魚肝卷，吞拿魚蓉滑嫩融合了蔥絲爽脆，再加埋鮟鱇魚肝柔軟口感，食落口感非常豐富。而吞拿魚蓉既鮮味、蔥既清爽和鮟鱇魚肝既濃郁，呢個多層次既融合，真係超夾。石燒厚切和牛配蔥鹽醬及蘿蔔酸汁， 雖然份量唔多，但真係超讚👍🏻，石燒可以自己燒到5成又得，7成又得， 但無論幾熟都好，和牛都係入口即溶，😆😆唔需要醬料，已經好好味。黑松露牛油野菌燒珍寶蠔兩隻 （$78買一送一，大大隻勁控食）蠔面滿滿黑松露野菌野菌，蠔燒完都仲好肥美飽滿， 好滿足。A5和牛海膽芝士牛角包結合左多款高級食材，好有創意既美食。牛角包外層烘烤得金黃酥脆，和牛柔軟味道濃郁同海膽既鮮味，加埋飛魚子同魚子既咸香味，口感豐富、層次分明美味。紅火龍佛手柑熊茶同藍蝶花佛手柑熊茶打卡一流既飲品， 賣相好好，飲落都好fresh,唔會太甜， 解渴開胃。