影片
更多
2017-05-04
387 瀏覽
我一向都知道有一間質素好唔錯既韓燒叫做7080 我同朋友一直都好想去試下 睇下佢地個名咁響噹噹既原因～ 原來佢地而家改左名做平昌 今日一試 我地都終於明白點解呢間韓燒會好評如潮 真係絕非浪得虛名 👍🏼佢地好善用空間 成間鋪都好闊絡 完全係韓國風格 店內既裝潢同設計都係充滿韓國既特色 😍佢地既點菜紙十分清晰簡潔 短短兩頁紙就已經完美呈現左韓國特色燒物同小菜 我同朋友一見到五花腩 就覺得非常興奮 😆 另外仲有大量飲品任君選擇 真係花多眼亂 😂佢地由裝潢同餐具 所有設備都係韓式用具 仲有埋韓燒必備既小菜 例如惹味泡菜、芽菜 同埋包住肉既生菜 🥙 另外仲有兩種醬料 一種係韓式風味既豉油 另一種係韓式豆瓣醬 😋前菜仲有清新既田園沙律 我好中意佢地既麻醬 食落特別香口 而且仲好開胃~ 😋肉 x 海鮮拼盤 🍤🥓我地一黎點左各種肉類 有五花肉、雪花牛、牛柳粒、特級豬頸肉、梅頭肉、牛肉等等 仲有鮑魚、鰻魚同埋魷魚 🍤事不宜遲 我地立即開動 😋 牛肋骨真係冇得頂 佢係繼五花肉之後 我既至愛~ 🐮 好嫩好juicy 既牛肉 配埋香濃既韓式醬汁 再將痴住牛肋骨既牛筋逐條撕落黎 好好食好滿足～☺️由於朋友係韓國人
我一向都知道有一間質素好唔錯既韓燒叫做7080 我同朋友一直都好想去試下 睇下佢地個名咁響噹噹既原因～ 原來佢地而家改左名做平昌 今日一試 我地都終於明白點解呢間韓燒會好評如潮 真係絕非浪得虛名 👍🏼佢地好善用空間 成間鋪都好闊絡 完全係韓國風格 店內既裝潢同設計都係充滿韓國既特色 😍
佢地既點菜紙十分清晰簡潔 短短兩頁紙就已經完美呈現左韓國特色燒物同小菜 我同朋友一見到五花腩 就覺得非常興奮 😆 另外仲有大量飲品任君選擇 真係花多眼亂 😂
佢地由裝潢同餐具 所有設備都係韓式用具 仲有埋韓燒必備既小菜 例如惹味泡菜、芽菜 同埋包住肉既生菜 🥙 另外仲有兩種醬料 一種係韓式風味既豉油 另一種係韓式豆瓣醬 😋
前菜仲有清新既田園沙律 我好中意佢地既麻醬 食落特別香口 而且仲好開胃~
😋肉 x 海鮮拼盤 🍤🥓我地一黎點左各種肉類 有五花肉、雪花牛、牛柳粒、特級豬頸肉、梅頭肉、牛肉等等 仲有鮑魚、鰻魚同埋魷魚 🍤事不宜遲 我地立即開動 😋
牛肋骨真係冇得頂 佢係繼五花肉之後 我既至愛~ 🐮 好嫩好juicy 既牛肉 配埋香濃既韓式醬汁 再將痴住牛肋骨既牛筋逐條撕落黎 好好食好滿足～☺️
由於朋友係韓國人既關係 佢好熟練燒肉既技巧 所以基本上都係佢燒我食 🤣🤣 上面既五花腩好厚肉好正 豬既表皮都燒到好煙韌好彈牙 因為佢地本身已經有放調味料 所以只要點少少醬油已經好好味！五花腩係我地既至愛 ❤
豬頸肉同埋牛脷～ 豬頸肉爽口彈牙 鮮味十足 😋 牛脷係一個意外驚喜 我本身唔太中意食內臟 牛脷呢啲我都好怕 但佢呢到既牛脷一啲都唔羶唔臭 反而好爽口 口感好正 我破例食左好多
海鮮都係一個賣點 啲帶子真係好勁好大隻 😍 燒生蠔仲正 😍 佢地海鮮類既選擇眾多 除左蝦、鮑魚、鰻魚之外 仲有我至愛既生蠔 😋 我地放左上個爐燒左大約七分鐘 佢已經熟曬～ 燒過既生蠔俾我想像中更鮮甜 唔係亂講 佢係真係有鮮味同海水味 唔似其他店食到既蠔咁淡而無味 呢個值得一試 👍🏼👍🏼
仲要提一提平昌既爐邊蛋🍳 啲蛋好滑好好味 加少少泡菜落去仲正 😋
特級牛肉拼盆 🐮我地真係食肉獸 食曬幾盤肉之後 我地又追加左特級牛肉拼盆 ☺️❤ 呢啲牛肉好嫩好juicy 果然係特頂級靚牛肉 食到好香既牛肉味 又唔會有好多肥膏 佢係我地今晚最愛既牛肉 不過我既最愛依然係五花腩~
水冷面 🍜水冷面味道唔錯～令我諗返起韓國既生活 個陣成日食水冷面加少少肉 水冷面凍得黎好過癮 面既質感好特別 香港一般既餐廳係唔可能食到既～ 水冷面特別之處在於佢既清新 清新得黎又有佢自己既味道 冷面既湯好清甜 👍🏼 我地一人食左半碗 🍜😋
大量飲品任揀 我個人都係中意果汁類既飲品 而朋友都係偏好清新既飲品 所以佢飲左韓國既芒果汁 我就飲韓國既奇異果蘆薈汁 好清涼解渴 😆今晚真係超滿足 連韓國朋友都大讚好味 服務員態度親切和藹 佢地既老闆仲係韓國人 難怪食物咁地道咁有質素 😋 我會再同其他朋友去食多次 正宗既價廉物美 🥇
張貼
