蔦 (已結業)

放工約左朋友去銅鑼灣睇戲,入場前梗係要去搵食啦。登龍街拉麵間間都咁出名,但係我地今次揀左呢間來自東京既米芝蓮拉麵TSUTA.我揀既係東京醫油拉麵,個湯底好清,好香。雖然黑松露濃烈既香氣搶左不少風頭, 但係始終都搶唔走湯底既清新氣息。麵底絕對是值得一讚,係食得出好香既蛋味,同用上好靚既麵粉先整到出黎。溏心蛋好入味,加上入口即溶既口感,令呢碗拉麵可以用完美黎形容。我FRD子叫左味噌拉麵,雖然唔係摘星既湯底,但我都試左一啖,濃厚味噌配上呢到既麵底,都足以贏過好多拉麵店了。我地仲叫多左個日式炸雞小食,新鮮炸出黎,熱辣辣脆卜卜,食完真係好幸福既感覺。