惠 (已結業)

經朋友嘅推介之下，今日就同佢一齊去食廚師發板，今次呢我哋嗰張枱嘅主廚就係鄭師傅，睇佢手起刀落🔪，擺碟嘅時候又好仔細，真係超有心機。師傅話食物最緊要就係質素好，再加上師傅悉心嘅烹調👩🏻‍🍳，就更想上層樓啦，真心可以返嚟再encore。咁一開始就係日本餐最常有嘅茶碗蒸🥚 ，佢入邊包含咗一啲海鮮🐠🦐百合同埋海帶，口感非常好，鮮香味出晒嚟。又到我最愛嘅生蠔🦪，日本岩手縣廣田灣生蠔超大隻，一啖係食唔晒，超級肥美，特濃嘅蠔味，食一隻真係唔夠。薄荷汁帶子唔知你哋有冇試過呢，估唔到呢個配搭幾特別得來又好味👍🏻，廚師👨🏻‍🍳發板特別嘅地方就係佢哋用咗唔同嘅配搭，激發左我嘅味蕾，又品嚐到一樣新嘅食物🍽。最後係超好味嘅靜岡蜜瓜🍈，對於我來講 ，可以話佢係一道甜品🍰🍧，佢嘅水嫩度好高，又香又甜，食完超滿足happy ending💯。