影片
更多
2020-03-14
1817 瀏覽
我本人已經第三次食家嫂，今日就帶咗個未食過家嫂嘅朋友嚟見識下，等佢知道何謂性價比極高嘅美食！餐廳內光猛整潔，平時一定高朋滿座，但始終受疫情影響，生意減少咗，我哋兩位安排坐喺一個角落嘅四人枱，同其他食客都有適當距離，可以食得安心店員好有禮貌，一坐定就邀請我哋去攞飲品同埋醬料，我最鍾意佢嘅自家製飲品，全部都係清潤之選，我就最鍾意佢嘅竹蓆茅根水同埋紅棗桂圓茶，每次嚟到都必飲！醬料排列整齊，有啲仲係佢哋自家製嘅特色醬料，有香有辣！朋友話淨係食餐前小食都已經夠晒，因為種類已經夠晒多，而且每次嚟都會有少少唔同，所以keep住有新鮮感我就最鍾意佢嘅蜜糖燒雞翼同埋佢嘅黑松露蝦餅，又係必食！今次仲有椒鹽賴尿蝦，實在太豐富喇食緊小食嘅時候，店員就奉上刺身，刺身好新鮮，款式亦好多樣化，每樣一件份量就啱啱好今次嘅雞煲揀咗小辣，對於唔食得辣嘅我辣度就啱啱好，非常惹味，今次仲配上大蝦，蝦殼掛上醬汁真係想食埋個殼喺呢個時候朋友話已經有八成飽，真係不得了，但係呢個時候火鍋就上場啦！家嫂嘅火鍋配料基本上係全部都可以追加，連鮑魚都可以，只要你個肚放得落就得我今次都係叫椰子湯底，貪佢清清地，最重要嘅係食蔬菜嘅時候每條菜都會
餐廳內光猛整潔，平時一定高朋滿座，但始終受疫情影響，生意減少咗，我哋兩位安排坐喺一個角落嘅四人枱，同其他食客都有適當距離，可以食得安心
店員好有禮貌，一坐定就邀請我哋去攞飲品同埋醬料，我最鍾意佢嘅自家製飲品，全部都係清潤之選，我就最鍾意佢嘅竹蓆茅根水同埋紅棗桂圓茶，每次嚟到都必飲！
醬料排列整齊，有啲仲係佢哋自家製嘅特色醬料，有香有辣！
朋友話淨係食餐前小食都已經夠晒，因為種類已經夠晒多，而且每次嚟都會有少少唔同，所以keep住有新鮮感我就最鍾意佢嘅蜜糖燒雞翼同埋佢嘅黑松露蝦餅，又係必食！今次仲有椒鹽賴尿蝦，實在太豐富喇
食緊小食嘅時候，店員就奉上刺身，刺身好新鮮，款式亦好多樣化，每樣一件份量就啱啱好
今次嘅雞煲揀咗小辣，對於唔食得辣嘅我辣度就啱啱好，非常惹味，今次仲配上大蝦，蝦殼掛上醬汁真係想食埋個殼
喺呢個時候朋友話已經有八成飽，真係不得了，但係呢個時候火鍋就上場啦！家嫂嘅火鍋配料基本上係全部都可以追加，連鮑魚都可以，只要你個肚放得落就得
我今次都係叫椰子湯底，貪佢清清地，最重要嘅係食蔬菜嘅時候每條菜都會帶點椰子香味，真係前所未有咁好食㗎！
食晒火鍋就到佢嘅芝士蛋糕，味蕾忙咗幾個鐘之後，食返少少甜品，來個完美嘅終結，大滿足！
張貼
