王家沙 (已結業)

如果中午係又一城食飯又唔想食太貴既話可以選擇王家沙。蘇式鮮肉小籠包: 有六隻小籠包，皮薄湯汁又香，咬落去有少少油，但更加帶出到香味。係佢仲好熱既時候食真係好正。水煮牛肉(小辣): 小辣都好辣，仲越食越麻。牛肉件數多，肉質幾嫩同好有牛味，冇俾麻辣蓋過。最好味係佢既薯粉，吸哂啲辣汁又好煙韌，好想再去食過嫩雞煨麵: 份量係非常大，兩個人食一碗已經夠飽，麵係偏，連湯同配菜食會覺得清清地又有啲香料既味道係中間。食物質素幾好，份量非常足夠，以一人嘅價錢食到兩人嘅份量，叫翻麵類會平啲。