餐廳裝修典雅 而且帶點型格風格 座位夠曬闊落坐得超舒服 重點係抽風一流一啲油煙味都冇
1
大判燒 黑毛和牛西冷 超級巨型 已經加咗特調燒汁 和牛油花好靚肥瘦適中 而且牛肉味濃郁 仲有專人幫手燒 生熟度控制得啱啱好 達到入口即溶嘅感覺
午餐超抵食叫咗個黑毛豬盛合 黑毛豬無骨小排 黑毛豬脛肉 宮崎黑毛豬香腸 無骨小排真係超邪惡一層肥一層瘦 燒到肥肉香脆 用嚟送飯一流
牛舌盛合盒 入面已經有鹽味上牛舌同埋蔥鹽味牛舌 肉質軟淋又帶點彈牙
日本若雞盛合 入麵包括雞腿 若雞雞胸柳 若雞雞脛柳 最特別係雞脛柳唔係度度有得食 呢個部位較少喐動 好冧滑而且一啲都唔肥
甜品係超滑溜嘅杏仁豆腐同埋雪糕糯米糍
