喜多嬉牡蠣屋 (已結業)

之前食過呢間，之後一直都想再去食，發現原來搬咗，餐牌仲有少少唔同咗添坐低之後，店員就送上一壺時令海鮮湯月一份味淋魚乾。海鮮湯仲有火熱住保暖👍🏻海鮮湯好鮮甜一d都唔腥，好好味😋味淋魚乾配沙律醬真係一流👍🏻之後就送上喜多懷石八品，包括：伊勢海老羊羮、雲丹松葉蟹黃金膏配蟹醋啫喱、月見雞肉棒、鮑魚、沙律、鰻魚、牡蠣茶漬飯、涼拌秋葵擺盤真係好精美😍👍🏻店員介紹由伊勢海老羊羮開始順時針食起，味道由淡至濃。我最鍾意就係鰻魚，外面卜卜脆，裡面好肥美😋梗係唔少得任食生蠔、焗蠔、焗帆立貝（可選有蒜味或原味）生蠔好新鮮！真係鮮甜、肥美，好滿足😌焗蠔同焗帆立貝我哋揀咗一半原味，一半蒜味，蒜味好香口😋而帆立貝肉質厚實、鮮甜😋串燒6款（任食）：雞腿肉、豬頸肉、雞心、七里香、茄子、日本蕃薯仔，我最鍾意就係雞心同雞腿肉，雞腿肉燒到外面脆卜卜，裡面好juicy😋松葉蟹五島手廷烏冬（任食）：湯底好香好鮮甜，仲有松葉蟹棒😍比較平時d烏冬幼身，好彈牙同埋好掛湯😋甜品造型好靚好有日本feel 😍，雪葩好清甜，而旁邊嘅黑糖蕨餅煙靭唔會太甜😋汽水、梳打特飲任飲，我地叫咗草莓同柚子梳打，好fresh 又唔會太甜😋👍🏻