玄鮨 (已結業)

黎到Lee Garden 附近呢間玄鮨食lunch，一開𨋢門就會有服務員過黎招呼，今次服務員安排我地坐係𨋢口位，座位都幾闊落。佢個set lunch 餐牌有成十個款，我地選左一個生既sushi set lunch、一個鹿兒島產黑豚肉生姜燒set，每個set都配左前菜、主菜同埋咖啡茶或者甜品。Sushi set lunch 有8款壽司，全部都好新鮮，完全無腥味，食完服務員仲會上多個熱烏冬，夠晒飽。黑豚肉set lunch，會上一碟刺身，都有四款好抵食，另外個麵豉湯好特別，放滿左櫻花蝦，個黑豚肉就炸到非常香，側邊既肉好嫩。