影片
更多
2024-10-11
659 瀏覽
老友生日，梗係要食返餐好嘅，兩個大胃王食放題就係最佳選擇，近近地來到了「緣聚」。午市食足三個鐘，有超多野食，升級仲可以任食生蠔及松葉蟹腳，可以盡情大吃大喝。坐低後梗係第一時間用QR code落單，生蠔、刺身、松葉蟹腳呢d必不可少，生蠔大大隻，入口新鮮唔腥；刺身有好多選擇，每樣都厚切又新鮮，當中最喜歡赤蝦及帶子，味道好鮮甜，我地都encore咗幾round；松葉蟹腳啖啖肉，味道鮮甜無雪味。熟食有天婦羅、串燒、炸物、鍋物等等，應有盡有，每樣叫少少都盡量食多d唔同野。清酒煮蜆 :傳來陣陣清酒香氣，蜆肉鮮甜無沙。串燒首推蒲燒鰻魚串，外皮燒得香脆，肉厚肥美多汁，加上甜甜嘅鰻魚汁更惹味；燒牛舌軟熟，用少少鹽及黑椒調味已經好好味。和風海鮮沙律 :有蟹籽及雜錦刺身，加上新鮮沙律菜，感覺份外清新。松葉蟹鉗甲羅燒 :蟹香味十足，配上脆脆嘅味淋魚乾，入口佈滿濃濃嘅蟹膏味。炸3.6牛乳鮮奶卷有驚喜，入口熱辣辣，內裡牛奶好幼滑，有香濃嘅奶味。食飯又點可以無飲品？飲品選擇有好多，汽水、紙包飲品、啤酒都有，想飲熱飲或特飲亦可以落單order。最後梗係要食埋甜品，有好多款雪糕雪條自己揀，亦可以order其他甜品，叫咗
午市食足三個鐘，有超多野食，升級仲可以任食生蠔及松葉蟹腳，可以盡情大吃大喝。
坐低後梗係第一時間用QR code落單，生蠔、刺身、松葉蟹腳呢d必不可少，生蠔大大隻，入口新鮮唔腥；刺身有好多選擇，每樣都厚切又新鮮，當中最喜歡赤蝦及帶子，味道好鮮甜，我地都encore咗幾round；松葉蟹腳啖啖肉，味道鮮甜無雪味。熟食有天婦羅、串燒、炸物、鍋物等等，應有盡有，每樣叫少少都盡量食多d唔同野。
清酒煮蜆 :傳來陣陣清酒香氣，蜆肉鮮甜無沙。
串燒首推蒲燒鰻魚串，外皮燒得香脆，肉厚肥美多汁，加上甜甜嘅鰻魚汁更惹味；燒牛舌軟熟，用少少鹽及黑椒調味已經好好味。
和風海鮮沙律 :有蟹籽及雜錦刺身，加上新鮮沙律菜，感覺份外清新。
松葉蟹鉗甲羅燒 :蟹香味十足，配上脆脆嘅味淋魚乾，入口佈滿濃濃嘅蟹膏味。
炸3.6牛乳鮮奶卷有驚喜，入口熱辣辣，內裡牛奶好幼滑，有香濃嘅奶味。
食飯又點可以無飲品？飲品選擇有好多，汽水、紙包飲品、啤酒都有，想飲熱飲或特飲亦可以落單order。
最後梗係要食埋甜品，有好多款雪糕雪條自己揀，亦可以order其他甜品，叫咗呢款吉士紅豆鯛魚燒，賣相好精緻，入面有滿滿嘅紅豆，非常滿足。
張貼
