影片
更多
2021-10-20
168 瀏覽
星期五放假同老婆逛街，諗住去銀行，咁啱經過沙田廣場地下果層，見到大喜屋午餐時間門外已經排長龍等入坐，心血來潮，不如試吓Lunch放題。（$198 Lunch 放題係12:00至3:00）最初，有啲擔心見咁多人排隊會滿坐無得食，要等位，點知原來裏面地方好夠大，排一陣就可以食到，開心！好耐之前食過大喜屋用剔紙落單，而家用手機QR code 落單，仲唔洗Download app，方便又快捷，抵讚👍🏽當等梗嘢食嘅時候就可以出去拎飲品同前菜沙律小食。欣賞佢哋上菜同收碟速度算快，在場工作人員有禮貌，畀人感覺服務態度良好係重要嘅😊外面雪櫃有非常多款飲料選擇，有汽水綠茶啤酒等等⋯最驚喜係有熱！清！酒！，老婆見到心心眼😍乾返杯先！食物方面，刺身質素算唔錯，落單之後大約5-10分就上到，首先來個大滿足刺身拼盤，赤貝、帶子、象拔蚌、三文魚厚切，Oishi!之後再點熟食，非常推介鵝肝帶子，吉列蠔，蒲燒鰻魚 比目魚西京燒 ，甜番薯仔天婦羅仲有個幾野味嘅薑蔥爆鱔球添！！最後當然唔少得甜品時間，雪糕甜筒任食，落足本，仲有乳酪同埋牛奶布甸，下次我會留肚食多個牛奶布甸，夠曬香滑呀😅同老婆食咗兩個小時都已經非常之滿足，下
星期五放假同老婆逛街，諗住去銀行，咁啱經過沙田廣場地下果層，見到大喜屋午餐時間門外已經排長龍等入坐，心血來潮，不如試吓Lunch放題。（$198 Lunch 放題係12:00至3:00）最初，有啲擔心見咁多人排隊會滿坐無得食，要等位，點知原來裏面地方好夠大，排一陣就可以食到，開心！
好耐之前食過大喜屋用剔紙落單，而家用手機QR code 落單，仲唔洗Download app，方便又快捷，抵讚👍🏽
當等梗嘢食嘅時候就可以出去拎飲品同前菜沙律小食。
欣賞佢哋上菜同收碟速度算快，在場工作人員有禮貌，畀人感覺服務態度良好係重要嘅😊
外面雪櫃有非常多款飲料選擇，有汽水綠茶啤酒等等⋯最驚喜係有熱！清！酒！，老婆見到心心眼😍乾返杯先！
食物方面，刺身質素算唔錯，落單之後大約5-10分就上到，首先來個大滿足刺身拼盤，赤貝、帶子、象拔蚌、三文魚厚切，Oishi!
之後再點熟食，非常推介鵝肝帶子，吉列蠔，蒲燒鰻魚 比目魚西京燒 ，甜番薯仔天婦羅仲有個幾野味嘅薑蔥爆鱔球添！！
最後當然唔少得甜品時間，雪糕甜筒任食，落足本，仲有乳酪同埋牛奶布甸，下次我會留肚食多個牛奶布甸，夠曬香滑呀😅
同老婆食咗兩個小時都已經非常之滿足，下次諗住帶埋爸爸媽媽嚟試吓，慢慢食又嘆下清酒，正！一定會再嚟👍🏻
張貼
