1
已經覺得佢哋嘅出品非常唔錯😆
唔記得有幾多次嘅朋友聚會揀喺佢哋度🥹
同三五知己喺日式氛圍感滿滿嘅餐廳
食住串燒，飲住啤酒，講吓八卦
真係將生活上嘅煩心事都忘記晒😌
早兩日同男朋友兩個去食🫶🏻
然後都係覺得一大班朋友去食開心啲
因為可以食多幾樣嘢🤣
Strawberry Yakult Cocktail （原價$78） & Tiffany Sour （原價$78）
天氣炎熱一坐低已經迫不及待嗌兩杯嘢飲
仲要有happy hour 7折！
士多啤梨嗰杯係沙冰底，
沙冰由新鮮士多啤梨果肉加果醬制成
打得夠碎夠細膩，好解暑😆
Tiffany Sour嘅Sake味都幾重
加埋菠蘿汁嘅酸甜，係滿滿嘅夏日氣息☀️
Firebird 雞肉串燒盛合 （$138）
樣樣都想食唔知揀咩好就梗係嗌盛合啦！
盛合包含長蔥雞腿肉,雞軟骨,雞胸肉,
秋葵同埋免治雞肉棒。
而小妹就梗係最like自家製免治雞肉棒😍
雞肉棒調味偏重
但沾上新鮮蛋黃後味道即刻中和返
肉質都滑左好多，啖啖肉超正呀！
厚切牛舌燒 （$108）
估唔到真係咁厚切！燒得啱啱好唔會變咗乾柴又keep 到juicy
每一塊牛舌都係粉粉嫩嫩，賣相滿分💯
秘製入味雞塊唐揚 （$58）
外皮炸粉輕薄，炸得非常脆😍
高溫油炸逼出油脂，同時鎖住肉汁
肉質嫩滑多汁，配搭明太子沙律醬好惹味！🤩
軟殼蟹牛油果壽司卷（$128）
軟殼蟹、牛油果都係新鮮材料
但係就略嫌佢卷得唔夠實😂
想扮斯文分兩啖食都唔得
要成件隊晒入口🤪
明太子芝士椰菜燒餅（$68）以椰菜燒餅嚟講，真係算高質！
咬落每啖都係滿滿椰菜
仲有蛋和芝士🧀，芝士嘅澎湃程度係拉晒絲
蛋亦都係剛剛熟仲有啲濕潤
燒餅表面有兩種醬汁
一邊係明太子，另一邊係傳統大阪燒嘅醬汁
一次過食到兩個口味超正🤤🫶🏻
1
2
2
5
