接住係鰻魚串燒，要讚讚佢條鰻魚唔腥，醬汁調得不俗，食嘅時候小心骨就可以啦！佢另有一個刺身拼盤，有三文魚、帶子、赤貝同埋大量嘅蝦，份量係兩個人都食唔哂。
講到燒肉，佢嘅安格斯牛肩胛十分出色，唔韌、又唔會太多肥肉，咬落有肉味、仲有陣陣乳香味，食完想再食。叫咗忌廉青口，忌廉味唔膩濃郁，青口大大隻，好好食、唔爛咬。泰式炸蝦餅，結實，加埋泰式辣醬又係好香口。另外叫咗南瓜天婦羅，清甜唔膩，炸醬唔厚，可以當甜品食。
重點到啦！返叫咗幾次冰菠蘿、佢輕輕烤過之後，多咗陣焦香，本身酸甜嘅汁一咬就流出，好解膩，食得出佢菠蘿嘅水準。另一個出色甜品係一口紅豆鯛魚燒，上枱就脹卜卜咁，餡料豐富，外皮香脆焦香，淋上煉乳、有層次，紅豆餡唔會太甜，係一個極好嘅甜品，來到必點！
