宮崎肉本舖 (已結業)

同朋友慶祝生日，帶左佢去銅鑼灣嘅宮崎肉本鋪食和牛燒肉放題😋店內環境舒適，我訂左包廂位，2人坐，私隱度極高，好適合談心小聚！和牛拼盤份量好足料！包括有肉眼扒、和尚頭、前腿肉、和牛壽喜燒、肩里肌、牛助肉、五花腩、外後腿肉、肩口肉以及内後腿肉😋款式都好多！各款和牛肉質嘅雪花分佈平均，油脂好均勻，燒完可以配搭鹽及芥末一起食，食落有入口即溶嘅感覺！而肉眼扒同和牛壽喜燒就由餐廳員工幫手燒，燒得好香，肉質口感有層次，非常好味！另外，值得一提嘅，係呢間餐廳有甲羅燒，好新鮮，燒得好香，配埋米餅食，口感好有層次，一流！最後，喺餐廳慶祝生日嘅話，餐廳更會為你準備蛋糕，以及即影即有相，相當有儀式感！